වේග පන්දු යවන ක්‍රීඩක දුෂ්මන්ත චමීර ශ්‍රී ලංකා ලෝක කුසලාන සංචිතයට එක්කර ගැනීමට ජාත්‍යනතර ක්‍රිකට් කවුන්සිලයේ තාක්ෂණික කමිටුවේ අනුමැතිය හිමිව තිබෙනවා.
ආබාධයකට ලක් වූ ශ්‍රී ලංකා වේග පන්දු යවන ක්‍රීඩක ලහිරු කුමාර වෙනුවටයි දුෂ්මන්ත චමීර මෙලෙස ශ්‍රී ලංකා සංචිතයට කැඳවා ඇත්තේ.
Update – Sunday, October 29, 2023, 1.44 PM
දුෂ්මන්ත චමීර ශ්‍රී ලංකා ලෝක කුසලාන සංචිතයට
ශ්‍රී ලංකා වේග පන්දු යවන ක්‍රීඩක ලහිරු කුමාර යළි ආබාධයකට ලක්ව ඇති බව වාර්තා වනවා.
පුහුණුවීම් අතර තුර ලහිරු මෙලෙස ආබාධයකට ලක්ව ඇති අතර, මේ හේතුවෙන් ඔහු සති දෙකක පමණ කාලයක් ක්‍රීඩා නොකරනු ඇති.
ලහිරු කුමාර වෙනුවට වේග පන්දු යවන ක්‍රීඩක දුෂ්මන්ත චමීර ශ්‍රී ලංකා ලෝක කුසලාන සංචිතයට කැඳවනු ඇති බවයි ඉන්දියාවෙන් වාර්තා වන්නේ.
ඒ, අනුව දුෂ්මන්ත චමීර ඇෆ්ගනිස්ථානය සමඟ හෙට (30) පැවැත්වෙන තරගය සඳහා බොහෝ දුරට එක්වනු ඇති බවට තොරතුරු වාර්තා වනවා.
මේ අතර හෙට තරගය සඳහා ආරම්භක පිතිකරුවෙකු වශයෙන් දිමුත් කරුණාරත්න ක්‍රීඩා කරනු ඇති බවට ද තොරතරු වාර්තා වුණා.
