එක්සත් ජාතීන්ගේ මහා මණ්ඩලයේ දී මැදපෙරදිග කලාපයට මානූෂීය සටන් විරාමයක් ඉල්ලා සිදුකළ යෝජනාව වැඩි ඡන්දයෙන් සම්මත වී තිබෙනවා.
මෙම යෝජනාවට පක්ෂව ඡන්ද 120ක් ලැබි ඇති අතර, විපක්ෂව හිමි වූ ඡන්ද සංඛ්යාව 14ක්.
මේ අතර මෙම ඡන්ද විමසීමේ දී රටවල් 45ක් ඡන්දය පාවිච්චි කිරීමෙන් වැළකී සිටියා.
මෙම යෝජනාවට පක්ෂව ශ්රී ලංකාව ද මෙහිදී ඡන්දය භාවිත කර තිබුණා.
එක්සත් ජාතීන්ගේ මහා මණ්ඩල සිදුකළ මෙම ඡන්ද විමසීමේ ප්රතිඵලය වොෂින්ටනයට අනතුරු ඇඟවීමක් සිදුකරන බවයි විදෙස් මාධ්ය වාර්තා කළේ.
මේ අතර, ලෝක මතයෙන් ඔබව සදහටම ආරක්ෂා කර තබාගත නොහැකි බව ඊශ්රායලය පවසනවා.
මේරිලන්ඩ් විශ්ව විද්යාලයේ සාමය සහ සංවර්ධනය පිළිබඳ මහාචාර්යවරයෙකු වන ෂිබ්ලි ටෙල්හාමි පවසා ඇත්තේ ගාසා තීරයේ යුද්ධයට ජෝ බයිඩන් දක්වන ප්රතිචාරය සමඟ ඔහු, ඔහුගේ ඩිමොක්රටික් ඡන්දදායකයන් සුළු කොට සලකන බවයි.
ජෝ බයිඩන් ඊශ්රායලයට දක්වනු ලබන නොසැලෙන සහයෝගය, ඩිමොක්රටිකයින් අතර ඔහුගේ අනුමත ශ්රේණිගත කිරීම මේ මාසයේ දී සියයට 11කින් පහත වැටී ඇති බව ද වාර්තා වනවා.
