ප්රංශ ජනාහ්දිපති එමානුවෙල් මැක්රෝන් ඊශ්රායලයේ සංචාරයක නිරත ව තිබෙනවා.
මෙම සංචාරයේ ප්රධාන අරමුණ වී ඇත්තේ හමාස් සංවිධානයට එරෙහිව ඊශ්රායලය විසින් එල්ල කරනු ලබන යුද ප්රහාර බවයි විදෙස් මාධ්ය වාර්තා කරන්නේ.
මේ වනවිට සති දෙකකට ආසන්න කාලයක සිට ඊශ්රායලය විසින් දකුණු ගාසා තීරයට නො නවත්වාම ප්රහාර එල්ල කරනවා.
ඒ පසුගිය 09 වැනි දින ඊශ්රායලයට හමාස් ත්රස්තවාදීන් විසින් එල්ල කරන ලද මරාගෙන මැරෙන අමානුෂික ප්රහාරයන්ට පිළිතුරු වශයෙනුයි.
එම ප්රහාරයෙන් ඊශ්රායලයේ සිවිල් වැසියන් 1200කට අධික සංඛ්යාවක් ඝාතනයට ලක් වූ අතර, දරුවන්, වැඩිහිටියන් සේ ම කාන්තාවන් ව ප්රාණකරුවන් ලෙස පලස්තීනයේ හමාස් භාරයේ පසුවුණා.
සමහරුන් ව ප්රසිද්ධියේ ම ගෙළ කපා ඝාතනය කිරීමේ දර්ශන ද ඔවුන් සමාජ මාධ්ය වෙත නිකුත් කර තිබුණා.
මෙම සිදුවීම් සමග ඊශ්රායලයේ අගමැති බෙන්ජමින් නෙතන් යාහු සඳහන් කළේ හමාස් ත්රස්තවාදීන් ව සමූල ඝාතනය කරන බවට තමන් පොරොන්දු වන බවයි.
ඉන් අනතුරුව දෙපාර්ශ්වය අතර යුද්ධයක් දක්වා මෙය යළිත් වර්ධනය වූයේ.
මෙවන් පසුබිමක පසුගියදා ඊශ්රායලයට සහයෝගය පළ කරමින් අමෙරිකානු ජනාධිපති ජෝ බයිඩ්න්ගේ ද පැමිණීම සිදු වුණා.
ඉන් දින කිහිපයකට පසුවයි ප්රංශ ජනපතිගේ අද දිනයේ සිදු වූ මෙම සංචාරය සිදු ව ඇත්තේ.
මැක්රෝන් ජනාධිපතිවරයා ඊශ්රායලය අමතමින් පවසා ඇත්තේ සිය පළමු අරමුණ වන්නේ ගාසා තීරයේ සිරකරගෙන සිටින ප්රාණ ඇපකරුවන් නිදහස් කරගැනීම බවයි.
ඊට ප්රංශයේ උපරිම සහාය ඊශ්රායලය වෙත හිමිවන බව ද ඔහු අවධාරණය කර තිබෙනවා.
ජෙරුසෙලමේ දී මාධ්ය වෙත අදහස් දක්වමින් මැක්රෝන් සඳහන් කර ඇත්තේ හමාස් සිදු කළ මිලේච්ඡ ක්රියාවන් කිසිදා අමතක නොවනු ඇති බවයි.
