දර සපය ලොරි රථය උපයෝගී කරගෙන තහනම් ද්රව්ය ඇතුලු කිරීමට ගත් උත්සාහයක් අඟුණකොලපැලැස්ස බන්ධනාගාර බුද්ධි අංශ නිලධාරීන් විසින් අද අනාවරණ කරගෙන තිබුණා.
එහිදී බන්ධනාගාරයට දර සපයන ලොරියේ ඇතුලත තිබූ විශේෂයෙන් සකස් කරන ලද කොටයක් තුල සගවා තිබු සුරුට්ටු 570ක්, ජංගම දුරකථන 7ක්, චාජර් 3ක් සහ ඩේටා කේබල් 3ක් සොයාගෙන තිබෙනවා.
බන්ධනාගාර ඉතිහාසය තුල මේ ආකාරයට බන්ධනාගාරයට තහනම් ද්රව්ය ගෙනයාමට දැරූ පළමු උත්සාහය ලෙසටයි මෙය වාර්තා වන්නේ.
ලොරියේ රියදුරා අඟුණකොලපැලැස්ස පොලිසියට භාරදී ඇති අතර වැඩිදුර පරීක්ෂණ අඟුණකොලපැලැස්ස පොලිසිය විසින් සිදුකරනු ලබයි.
අඟුණකොලපැලැස්ස බන්ධනාගාරය නිලධාරීන්ගේ ආරක්ෂාවට අමතරව පොලිස් විශේෂ කාර්ය බලකා ආරක්ෂාව ද යොදා ඇති බන්ධාගාරයකි.
ඔබේ ප්රතිචාරය කුමක්ද ?
+1
+1
+1
+1
+1
+1
+1
