කෙසෙල්වත්ත දිනුකගේ මෘත ශරීරය සම්බන්ධයෙන් DNA වාර්තාවක් ලබාගැනීමට නියෝගයක් ලබාදී ඇතැයි පොලිසිය පවසනවා. එම වාර්තාව ලබාගැනීමෙන් පසු සිරුර සම්බන්ධයෙන් පශ්චාත් මරණ පරීක්ෂණය සිදුකරන බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ කියාසිටියේ. දැනට මෙම මළ සිරුර මීගමුව රෝහලේ මෘත ශරීරාගාරයේ තැන්පත් කර තිබෙනවා. ඩුබායි රාජ්‍යයේදී මියගිය බවට සැක කෙරෙන කෙසෙල්වත්තේ දිනුක නැමති පාතාල සාමාජිකයාගේ මළ සිරුර වෙනත් නමකින් මෙරටට රැගෙන විත් ඇති බවටයි අද පැවති පොලිස් මාධ්‍ය හමුවේදී හෙළිවුයේ.
කෙසේවෙතත් මෘත ශරීරයේ මෙරට භාරකරු ලෙස හැඳින්වෙන කෙසෙල්වත්තේ දිනුකගේ මවට එවැනි නමකින් යුතු දරුවෙකු නොමැති බවට හෙළිකරගෙන තිබෙනවා. ශ්‍රී ලන්කන් ගුවන් භාණ්ඩ සේවාව ඔස්සේ දිවයිනට රැගෙන විත් ඇති මෙම මෘත දේහය මේ වන විට කටුනායක ශ්‍රී ලන්කන් ගුවන් භාණ්ඩ සේවාව සතු ගුදමේ තැන්පත් කර ඇති බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ කියාසිටියේ. මළ සිරුර සම්බන්ධයෙන් මීගමුව අධිකරණයෙන් ලබාගන්නා නියෝගයක් මත DNA සහ ඇඟිලි සලකුණු පරීක්ෂණයක් සිදු කර අනන්‍යතාව සහතික කර ගැනීමෙන් පසු ඉදිරි කටයුතු සිදුකරන බව පොලිස් මාධ්‍ය ප්‍රකාශකවරයා වැඩිදුරටත් සඳහන් කළා.
කොළඹ ප්‍රසිද්ධ මල් ශාලාවක් භාරයේ මෙම සිරුර දිවයිනට රැගෙන විත් ඇති අතර දැනට පවතින කොවිඩ් 19 නීති රීති අනුව අදාළ මළ සිරුර මීගමුව ප්‍රදේශය තුල භූමදානය හෝ ආදාහනය කළ යුතු බව ද ඔහු කියාසිටියා. කෙසෙල්වත්ත දිනුක සම්බන්ධයෙන් මෙතෙක් සිදුකරන ලද පරීක්ෂණවලදී ඔහු මාකඳූරේ මදුෂ් නැමති පාතාල සාමාජිකයා සමග සමීප සබඳතා පවත්වා ඇති බවට හෙළිවී ට තිබෙනවා. ඒ අනුව පොලිසිය සැක කරන්නේ කෙසෙල්වත්තේ දිනුක මත්ද්‍රව්‍ය ජාවාරම් සඳහා ද සම්බන්ධවී ඇති බවටයි.ඒ අනුව පොලිසිය සැක කරන්නේ කෙසෙල්වත්තේ දිනුක මත්ද්‍රව්‍ය ජාවාරම් සඳහා ද සම්බන්ධවී ඇති බවටයි.
