පාර්ලිමේන්තු මන්ත්රී ගජේන්ද්රකුමාර් පොන්නම්බලම් ඇතුලු පිරිසක් ත්රිකුණාමලය සම්පල්තිව් ප්රදේශයේදී විරෝධතාවක නිරතවී තිබෙනවා.
නිලාවේලි මාර්ගයේ බොරළු කන්ද විහාරස්ථානය අසල පැවැත්වීමට සැලසුම් කර තිබූ මෙම විරෝධතාව උප්පුවේලි පොලිසිය මගින් ලබාගෙන තිබූ අධිකරණ නියෝගයක් හේතුවෙන් එම ස්ථානයේ පැවැත්වීමට අවසර හිමි වූයේ නැහැ.
ඒ අනුව එම අවස්ථාවට සහභාගී වූ මන්ත්රීවරයා ඇතුලු ප්රදේශවාසීන් සම්පල්තිව් ප්රදේශයේදී විරෝධතාවයේ නිරතවුණා.
එහිදී අදාළ අධිකරණ නියෝගය පොලිසිය විසින් පැමිණ සිටි විරෝධතාකරුවන්ට දැනුම්දීමෙන් පසු ඔවුන් එම ස්ථානයෙන් ඉවත්වී වෙනත් ස්ථානයක විරෝධතාවයේ නිරතවූ බවයි අප වාර්තාකරුවන් සඳහන් කළේ.
නිලාවේලි පෙරියකුලම් හන්දිය ආසන්නයේ නව විහාරස්ථානයක් ඉදි කිරීමට විරෝධතාවය දැක්වීම වෙනුවෙන් මෙම පිරිස විරෝධතාවයේ නිරතවී තිබෙනවා.
මන්ත්රී ගජේන්ද්ර කුමාර් පොන්නම්බලම් පෙන්වා දෙන්නේ දෙුමුළ ජනතාව පමණක් ජිවත්වන එම ප්රදේශයේ අදාළ විහාරස්ථානය එම ස්ථානයේ ඉදි කිරීමට කිසිදු හේතුවක් නොමැති බවයි.
සිංහළ සහ දමිළ ජනතාව අතර සමගිය ඇති කිරීමට නම් මෙවැනි කටයුතු සිදු නොකරන ලෙසට රජයෙන් ඉල්ලා සිටින බව ද මන්ත්රීවරයා සඳහන් කළා.
ඔහු අවධාරණය කළේ දමිළ ජනතාව පමණක්ම ජීවත්වන පෙරියකුලම් ප්රදේශයේ විහාරස්ථානය ඉදි කිරීමේ අරමුණ වී ඇත්තේ එහි සිටින දමිළ ජනතාව ඉවත් කිරීම බවයි.
එබැවින් මෙලෙස විරෝධතාවයේ නිරතවන බව මන්ත්රීවරයා ප්රකාශ කළා.
