මනම්පිටිය – කොතලිය පාලමෙන් පහළට බස් රථයක් පෙරළීමෙන් දරුණු අනතුරක් සිදුව තිබෙනවා.
කඳුරුවෙල සිට අක්කරෙයි පත්තුව දක්වා ධාවනය වූ බස් රථයක් මෙලෙස අනතුරට ලක්ව ඇති බවයි වාර්තා වන්නේ.
අද (09) පස්වරු 8.00ට පමණ මෙම අනතුර සිදුව ඇති බවයි අප වාර්තාකරු සඳහන් කළේ.
අනතුරින් තුවාල ලැබූ පුද්ගලයින් මනම්පිටිය සහ පොළොන්නරුව යන රෝහල් වෙත ඇතුළත් කර තිබෙනවා.
මනම්පිටිය රෝහලට තුවාලකරුවන් සිව්දෙනෙක් ඇතුළත් කර ඇති අතර, ඉන් එක් පුද්ගලයෙක් ජීවිතක්ෂයට පත්ව ඇති බවයි රෝහල් ආරංචි මාර්ගය පැවසුවේ.
අනතුරින් තුවාල ලැබූ අනෙකුත් සියලුම තුවාලකරුවන් ඇතුළත් කර ඇත්තේ පොළොන්නරුව මහ රෝහලට බවයි වාර්තා වුණේ.
