Rajapura Handi Oil
Rajapura Diabetic Powder

ත්‍රී රෝද රථයක් පෙරළී ළමයින් 9කට තුවාල

ප්‍රමාණය ඉක්මවා පාසල් ළමයින් රැගෙන ගිය ත්‍රී රෝද රථයක් පෙරළීමෙන් දරුවන් 09 දෙනෙකු තුවාල ලබා යාපනය රෝහලට ඇතුළත් කර තිබෙනවා.

පොලිසිය පැවසූවේ යාපනය, උදයපුරම් ප්‍රදේශයේදී අද දහවල් මෙම ත්‍රී රෝද රථය වංගුවක් සහිත ස්ථානයකදී පෙරළී ගොස් ඇති බවයි.

කොළොම්පුතුරෙයි හින්දු විද්‍යාලය හා කොළොම්පුතුරෙයි තුරෙයිරාසා විද්‍යාලයේ පාසල් දරුවන් පාසල් අවසන් වී නැවත නිවෙස් වෙත රැගෙන යන අවස්ථාවේ මෙම අනතුර සිදුවී තිබෙනවා.

පොලිසිය පැවසූවේ ප්‍රමාණය ඉක්මවා දරුවන් රැගෙන යන අවස්ථාවේ අනතුර සිදුව ඇති බවයි.

අනතුරින් ත්‍රී රෝද රථ රියදුරුද තුවාල ලබා රෝහල්ගත කර ඇති අතර රෝහල්ගත කළ පාසල් දරුවන්ගේ තත්වය බරපතල නොවන බව සඳහන්.

සිද්ධිය සම්බන්ධයෙන් යාපනය පොලිසිය වැඩිදුර පරීක්ෂණ සිදු කරනවා.