දෙමළ ජාතික ජනතා පෙරමුණේ නායක පාර්ලිමේන්තු මන්ත්රී ගජේන්ද්රකුමාර් පොන්නම්බලම් මහතාගේ ප්රතිරූපයට හානිවන අයුරින් පොලීසිය කටයුතු කර ඇතැයි කියමින් ඔහු විසින් දැමූ පැමිණිල්ලකට අනුව 07 සහ 09 දිනයන්හි මරඳන්කේනි පොලිස් නිලධාරීන් කිහිප දෙනෙකුට යාපනය මානව හිමිකම් කාර්යාලයේ පෙනී සිටින ලෙසට දැනුම් දී තිබුණි.
මේ අනුව 07 වනදා මරඳන්කේනි පොලීසියේ නිලධාරීන් දෙදෙනෙකු යාපනයේ පිහිටි ශ්රීලංකා මානව හිමිකම් කාර්යාලයට පැමිණ පසුගිය 02 වනදා වඩමාරච්චි නැගෙනහිර ප්රදේශයේ පිහිටි විභාග ශාලාවක් ආසන්නයේ ඇති වූ ආරවුල සම්බන්ධයෙන් කරුණු දැක්වීම සඳහා පැමිණියා.
එහිදී ගජෙන්ද්රකුමාර් පොන්නම්බලම්ගේ කටුයුතවලට බාධා කිරීම පහරදීමට උත්සහ ගැනීම බැනවැදීම හා තර්ජනය කිරීම ආදි කරුණු දක්වමින් මරඳන්කේනි පොලීසියට එරෙහිව මානව හිමිකම් කාර්යාලයේ පැමිණිළි කොට තිබෙනවා
කෙසේ වෙතත් පැය කිහිපයක කරුණු විමසීමෙන් පසුව මානව හිමිකම් කාර්යාලයට පැමිණි පොලිස් නිලධාරීන් දෙදෙනා ආපසු ගිය බවටත් තවත් පොලිස් නිලධාරීන් දෙදෙනෙකු ලබන 09 වනදා සවස 2ට මානව හිමිකම් කාර්යාලයට පැමිණීමට නියමිත බවටද යාපනය මානව හිමිකම් කාර්යාලයේ ප්රාදේශීය සම්බන්ධීකාරක ටී. කනකරාජ් මහතා වැඩිදුරටත් පැවසීය.
