වවුනියාව ,සිදම්බරපුරම් , කට්කුලම් හි නිවසක මසක් වයසැති බිලිඳියක ඊයේ(29) මියගොස් ඇති බව වවුනියාව පොලිසිය පවසයි.
නාසයෙන් හා මුඛයෙන් රුධිර වහනය වීම හේතුවෙන් බිලිඳිය වවුනියාව මහ රෝහල වෙත ඇතුලත් කිරීමෙන් අනතුරුව මියගොස් ඇති බව පොලිසිය පැවසීය.
එලෙස මියගොස් ඇත්තේ වවුනියාව ,සිදම්බරපුරම් , කට්කුලම් ලිපිනයේ පදිංචි අජන්දන් ලකීෂා නැමති බිලිඳියකි
පොලිසිය පැවසූයේ 28 වැනිදා රාත්රියේ මියගිය බිලිඳියට ඇතිවූ රෝගී තත්වයක් හේතුවෙන් ඇයගේ මව විසින් වවුනියාව සිදම්බරපුරම් ප්රාදේශිය රෝහලට ඇතුලත් කිරීමෙන් අනතුරුව වැඩිදුර ප්රතිකාර සඳහා වවුනියාව මහරෝහලට ඇතුලත් කොට ඇති බවයි.
මහ රෝහල වෙත ඇතුලත් කිරීමෙන් අනතුරුව බිලිඳිය මියගොස් ඇති අතර හිසේ තැලුම් ස්ථානයක තුවාලයක් පැවති බවත් එය සිදුවූයේ කෙසේද යන්න මෙතෙක් නිශ්චිත අනාවරණයක් නොවූ බවත් පොලිසිය පැවසීය.
මියගිය බිලිඳියගේ මරණය සම්බන්ධයෙන් පශ්චාත් මරණ පරීක්ෂණය වවුනියාව මහරෝහලේ මෘත ශරීරාගාරයේදී සිදුකෙරිණ. දැරියගේ මරණය සම්බන්ධයෙන් පශ්චාත් මරණ පරීක්ෂණය කිලිනොච්චිය අධිකරණ වෛද්ය නිලධාරී කේ.වාසුදේව මහතා විසින් සිදුකළ අතර හිසේ ඇතිවුන තුවාල සහ හිසට වැදුන මොට බලවේගයක කම්පනය හේතුවෙන් බිළිඳිය මියගොස් ඇති බවට අනාවරණයවූ බවත් පොලිසිය පැවසීය.
සිද්ධිය සම්බන්ධයෙන් සිදම්බරපුම් පොලිසිය වැඩිදුර පරීක්ෂණ මෙහෙයවයි.
