අද වන විට රාජපක්ෂ මඩ ෆැක්ටරි ක්රියාත්මක වන බවත් සංස්කෘතික අරමුදල සම්බන්ධව අභූත චෝදනා එල්ල කරමින් ඔවුන් මඩ ගසමින් සිටින බවත්, මේ අභූත චෝදනා වලට තමන් කිසිවිටකත් නොසැලෙන බවත් විපක්ෂ නායක සජිත් ප්රේමදාස පවසනවා.
සමගි ජන බලවේගයේ හිනිඳුම ආසන බලමණ්ඩල රැස්වීමට අද (02) එක්වෙමින් විපක්ෂ නායකවරයා මේ බව සඳහන් කළා.
තමන් කළ එකම වරද සංස්කෘතික අරමුදලේ පනතට අනුව කටයුතු කිරීම බවත්, එම අරමුදලේ මුදල් උපයෝගී කරගෙන සිදුකළ සියලු ව්යාපෘති විනිවිදභාවයෙන් යුක්ත බවත් පැවසූ විපක්ෂ නායකවරයා අදාළ සියලු ව්යාපෘති සහ ඉදිකිරීම් සිදුකළේ රාජ්ය ආයතන යොදාගෙන බව ද මෙහිදී සඳහන් කළා.
ජනාධිපතිවරයා එතර සිට පැමිණි සැනින් අධි ආරක්ෂාව සම්බන්ධ ගැසට්ටුව රිවස් කොට ඇති බව පැවසූ විපක්ෂ නායකවරයා, ඒ ආකාරයෙන්ම ත්රස්තවාදය වැළැක්වීමේ පනත ඉවත් කරන ලෙසට ද ප්රකාශ කර සිටියා.
යල් පැනගිය ක්රමවේද වලින් ඉවත් වී රට ගොඩනැඟීම සිදුකළ යුතු බව පැවසූ විපක්ෂ නායකවරයා, ජාත්යන්තරය සමඟ ගනුදෙනු කළ හැකි තරුණ පරම්පරාවක් බිහි කිරීම අත්යවශ්ය බව සඳහන් කර සිටියා.
