35 වැනි එක්දින අර්ධ ශතකය ලබා ගැනීමට ශ්රී ලංකා ආරම්භක පිතිකරු කුසල් මෙන්ඩිස් සමත් වුණා.
ඒ සංචාරක බංග්ලාදේශයට එරෙහිව පැවැත්වෙන තුන්වැනි හා අවසන් එක්දින ක්රිකට් තරගයට පල්ලෙකැලේ ක්රීඩාංගණයේ දී එක්වෙමින්.
තරගයේ කාසියේ වාසිය දිනාගත්තේ ශ්රී ලංකා කණ්ඩායමේ නායක චරිත් අසලංකයි.
ශ්රී ලංකා නායකයා පළමු ව පන්දුවට පහරදීමට තීරණය කළා.
ඒ අනුව ආරම්භක පිතිකරුවන් ලෙස පිටියට පැමිණියේ පැතුම් නිස්සංක සමගින් නිශාන් මධුෂ්ක යි.
පැතුම් නිස්සංක ලකුණු 35ක් ලබා සිටියදී දැවී ගිය අතර නිශාන් මධුෂ්ක එක් ලකුණකට දැවී ගියා.
දෙවැනි කඩුල්ලට පිටියට ආ කුසල් මෙන්ඩිස් ප්රවේසම්කාරී ඉනිමක් දියත් කරමින් පන්දු 58කදී වටිනා එක්දින අර්ධ ශතකය පසු කර ගියා.
ඊට හතරේ පහර 07ක් ඇතුළත්.
මේ වනවිට ශ්රී ලංකා කණ්ඩායම කඩුලු 03ක් බිඳ වැටී ලකුණු 111ක් ලබා සිටිනවා.
කඩුල්ලේ රැඳී සිටින්නේ නායක අසලංක සමගින් කුසල් මෙන්ඩිස්.
