2034 වර්ෂයේ පාපන්දු ලෝක කුසලානයේ සත්කාරකත්වය ලබා ගැනීමට සෞදි අරාබිය සැරසෙනවා.
විදෙස් මාධ්‍ය වාර්තා කරන්නේ; ඔස්ට්‍රෙලියාව ද සත්කාරකත්වය ලබා ගැනීමේ ලංසුව සඳහා ඉදිරිපත් ව තිබුණ ද, මේ වනවිට ඔවුන්ගේ ඒ සම්බන්ධයෙන් ඇති උනන්දුව අවසන් වී ඇති බවයි.
ඒ සඳහා අවශ්‍ය වන ගෝලීය ප්‍රදර්ශන භාණ්ඩ පැවැත්වීමේ වැඩසටහනට ද ඔස්ට්‍රෙලියාව පැය කිහිපයකට පසුව ඉවත් වූ බවත් වාර්තා වනවා.
ඔස්ට්‍රේලියාව සිය තීරණ හකුළා ගැනීම සම්බන්ධයෙන් නිවේදනයක් නිකුත් කරමින් සඳහන් කරන්නේ FIFA පිරිමි ලෝක කුසලානය පැවැත්වීම සඳහා තබන ලංසු අවස්ථා ඕනෑ තරම් දැක ඇති බවත්; පවතින කරුණු සැලකිල්ලට ගනිමින් මෙවර ලංසුවෙන් ඉවත් වීමට තීරණයක් ගත් බවයි.
මෙම පිරිමි පාපන්දු ලෝක කුසලානයේ සත්කාරකත්වය ඉවත දමමින් ඔස්ට්‍රේලියාව පාපන්දු සම්මේලනය 2026 දී පවත්වන කාන්තා ආසියානු කුසලානයට සහ 2029 දී පැවැත්වෙන ෆිෆා ක්ලබ් ලෝක කුසලානය සඳහා ලංසු තැබීමට සූදානමින් සිටිනවා.
මෙවන් පසුබිමක් මතයි සෞදි අරාබිය සිය සත්කාරකත්වය ලබාදීමට එක් වූ එකම ලංසුකරු බවට පත් ව ඇත්තේ.
කෙසේවෙතත් FIFA පැවසුවේ තවමත් 2030 සහ 2034 තරගාවලි සඳහා ලංසු තැබීමේ ක්‍රියාවලිය අවසන් නොමැති හෙයින්; අවසන් තීරණයක් පසුවට දැනුම්දෙනු ඇති බවයි.
