2025 වසර සඳහා ශ්‍රී ලංකාවට ජාත්‍යන්තර ක්‍රිකට් කවුන්සිලය ලබා ද ඇත්තේ ටෙස්ට් තරග 04ක් පමණක් බව වාර්තා වනවා.
ඒ, අනුව ඕස්ට්‍රේලියානු කණ්ඩායම සමඟ එළඹෙන 29 වනදා ආරම්භ වන තරග දෙකකින් සමන්විත ටෙස්ට් තරගාවලිය සහ බංග්ලාදේශය සමඟ පැවැත්වෙන ටෙස්ට් තරග දෙකක් සඳහා මෙම වසරේ දී ශ්‍රී ලංකාව එක්වීමට නියමිතයි.
කෙසේ වෙතත් මෙලෙස අඩු ටෙස්ට් තරග සංඛ්‍යාවක් ශ්‍රී ලංකාවට ලබාදීම සම්බන්ධයෙන් ශ්‍රී ලංකා තුන් ඉරියව් ක්‍රීඩක ඇන්ජලෝ මැතිව්ස් අයි.සී.සීයට සිය අප්‍රසාදය පළකර තිබෙනවා.
ඒ, සිය නිල එක්ස් ගිණුමට සටහනක් එක්කරමින්.
මෙය ඉතා කණගාටුදායක තත්ත්වයක් බවයි එහි මැතිව්ස් වැඩිදුරටත් පවසා ඇත්තේ.
මේ අතර 2026 වසර සඳහා ශ්‍රී ලංකාවට හිමිව ඇත්තේ ටෙස්ට් තරග 06ක් පමණක් වීම ද විශේෂත්වයක්.
ඒ, අනුව 2026 වසරේ දී ශ්‍රී ලංකාව බටහිර ඉන්දීය කොදෙව්, ඉන්දියාව සහ පකිස්ථාන යන කණ්ඩායම් සමඟ ටෙස්ට් තරග දෙක බැඟින් ක්‍රීඩා කිරීමට නියමිතයි.
