2024 කාන්තා T20 ලෝක කුසලානයේ තරගාවලි කාලසටහන එළිදක්වා තිබෙනවා.
ජාත්‍යන්තර ක්‍රිකට් කවුන්සිලය විසිනුයි මෙම කාලසටහන අද (26) දිනයේ දී එළිදක්වා ඇත්තේ.
ඒ අනුව මෙවර තරගාවලිය එක්සත් අරාබි එමීර් රාජ්‍යයේ දී පැවැත්වෙනවා.
මෙම තරගාවලිය ඔක්තෝබර් මස 03 වැනි දා ආරම්භ වන අතර; අවසන් පූර්ව තරග ඔක්තෝම්බර් 17 සහ 18 පැවැත්වෙනවා.
අවසන් මහා තරගය පැවැත්වෙන්නේ, ඔක්තෝබර් මස 20 වනදායි.
මෙම තරග සඳහා අතිරේක දිනයක් ද ලබාදීමට ද ජාත්‍යන්තර ක්‍රිකට් කවුන්සිලය කටයුතු යොදා තිබෙනවා.
මෙම තරගාවලිය සඳහා ඔස්ට්‍රේලියාව, ඉන්දියාව, නවසීලන්තය, පාකිස්ථානය සහ ශ්‍රී ලංකාව A කාණ්ඩය යටතේ තරග කරනු ලබනවා.
B කාණ්ඩය නියෝජනය කරන්නේ; දකුණු අප්‍රිකාව, එංගලන්තය, බටහිර ඉන්දිය කොදෙව් දූපත්, බංග්ලාදේශය සහ ස්කොට්ලන්තය යි.
ඩුබායි හා සාජා යන ක්‍රීඩාංගණවල දී තරග 23ම පැවැත්වෙනවා.
සැප්තැම්බර් මස 28 වැනිදා සිට ඔක්තෝබර් මස පළමු වැනිදා දක්වා පෙරපුහුණ තරග 10ක් සැලැසුම් කර තිබීම ද විශේෂත්වයක්.
මීට පෙර තරගාවලියේ සත්කාරකත්වය බංග්ලාදේශයට හිමි ව තිබුණද, පවතින දේශපාලනික ව්‍යාකූලත්වය මත එය අවලංගු කෙරුණා.
