ණය ගැනීමේ සීමාව රුපියල් බිලියන 3900 සිට රුපියල් බිලියන 7350 දක්වා වැඩි කර තිබෙනවා.
ජනාධිපති රනිල් වික්‍රමසිංහ නව වසරේ අයවැය ඉදිරිපත් කරමින් මේ බව සඳහන් කළා.
ඉන්දියාව සමඟ ආර්ථික තාක්ෂණික සහයෝගීතා ගිවිසුමක් ඇතිකර ගැනීමට ද යෝජනාවක් ඉදිරිපත් වී තිබෙනවා.
ඒ අනුව නව ඉඩම් නීතියක් හඳුන්වාදෙන බවයි ජනාධිපතිවරයා සඳහන් කළේ.
රාජ්‍ය පෞද්ගලික හවුල්කාරිත්ව නීතියක් මෙන් ම නව ආයෝජන නීතියක් හඳුන්වාදීමේ යෝජනාවක් ද ඉදිරිපත් වුණා.
ආදායම් පරිපාලන ඵලදායීතාව ඉහළ නැංවීමට නව ආදායම් අධිකාරියක් ස්ථාපිත කරන බවයි ජනාධිපතිවරයා ප්‍රකාශ කර සිටියේ.
විදේශ ණය ප්‍රතිව්‍යුහගත කිරීම ක්‍රියාත්මක කිරීමට සහ විදේශ ණය ප්‍රතිව්‍යුහගත කිරීම යටතේ ජාත්‍යන්තර ස්වෛරීත්ව බැඳුම්කර පියවීම සඳහා ද රුපියල් බිලියල 3,000ක් වෙන් කෙරුණා.
රේගු නීති නවීකරණය කිරීමට අයවැයෙන් යෝජනාවක් ඉදිරිපත් වුණා.
රාජ්‍ය බැංකු ද්විත්වයෙහි කොටස්වලින් 20%ක් උපාය මාර්ගික ආයෝජකයන්ට හෝ ජනතාවට ලබාදීමේ යෝජනාවක් ද ඉදිරිපත් ව ඇති අතර; මෙරට මැණික් කර්මාන්තයේ පූර්ණ ධාරිතාවක් අත්කර ගැනීමට මාස 03ක විශේෂ සැලැස්මක් ගැන ද යෝජනාවක් ඉදිරිපත් කෙරුණා.
මේ අතර නව අයවැයෙන් ණය ගැනීමේ සීමාව රුපියල් බිලියන 3900 සිට රුපියල් බිලියන 7350 දක්වා වැඩි කිරීමේ යෝජනාවක් ද ඉදිරිපත් කෙරුණු බවයි වාර්තා වන්නේ.
ශ්‍රී ලංකා රාජ්‍ය ණය 2022 වසරේ දී 128% සිට 2023 වසරේ දී 95%ක් දක්වා අඩු කිරීමට අපේක්ෂා කරන බව ජනාධිපතිවරයා සඳහන් කළා.
2025 වසරේ සිට පළාත් සභා ආදායමෙන් 50%ක් පමණ පුනරාවර්තන වියදම් ලෙස යොදවා අමතර ආදායම් ප්‍රාග්ධන වියදම් ලෙස යෙදවීමට ද මෙහිදී යෝජනා වුණා.
