එක්දින සහ විස්සයි විස්ස තරගාවලියක් වෙනුවෙන් ශ්‍රී ලංකා කණ්ඩායම නවසීලන්තය බලා ඊයේ (20) රාත්‍රියේ දිවයිනෙන් පිටත්ව ගියා.
එහිදී ශ්‍රී ලංකා කණ්ඩායම විස්සයි විස්ස තරග තුනකට සහ එක්දින තරග තුනකට එක්වීමට නියමිතයි.
ශ්‍රී ලංකා සීමිත පන්දුවාර කණ්ඩායම දිවයිනෙන් පිටත්ව යෑමට පෙර ශ්‍රී ලංකා ක්‍රිකට් ආයතනයේ දී ආගමික වතාවත් වලට එක්වෙමින් ආශීර්වාද ලබාගත්තා.
චරිත් අසලංක එක්දින සහ විස්සයි විස්ස නායකත්වයට පත්වීමෙන් පසු ශ්‍රී ලංකා සීමිත පන්දුවාර කණ්ඩායම විදෙස් තරග සංචාරයකට එක්වන පළමු අවස්ථාව මෙය වනවා.
විස්සයි විස්ස තරගාවලියෙන් දෙරට අතර සීමිත පන්දුවාර තරගාවලිය ආරම්භ වන අතර, ඒ අනුව එළඹෙන 28 වනදා පළමු විස්සයි විස්ස තරගය පැවැත්වෙනවා.
දෙරට අතර එක්දින තරගාවලිය ආරම්භ වන්නේ 2025 වසරේ ජනවාරි මස 05 වනදායි.
ඔබේ ප්‍රතිචාරය කුමක්ද ?
+1
5
+1
1
+1
5
+1
+1
+1
+1
wpDiscuz
