ස්කොට්ලන්තය සමඟ පැවති තරග තුනකින් සමන්විත විස්සයි විස්ස තරගාවලිය පසුගිය දා ජයගන්නට ඕස්ට්රේලියානු කණ්ඩායමට හැකියාව ලැබුණා.
සංචාරක ඕස්ට්රේලියානු කණ්ඩායම මෙම තරගාවලිය ජයගත්තේ තරග තුනට බිංදුවක් ලෙසටයි.
දෙරට අතර පැවති පළමු විස්සයි විස්ස තරගය කඩුලු 07කින්, දෙවන තරගය ලකුණු 70කින් සහ තුන්වන තරගය කඩුලු 06කින් ඕස්ට්රේලියාව ජයගත්තා.
මේ අතර තරගාවලියේ ශූරතාව දිනාගත් ඕස්ට්රේලියාවට ලැබුණු කුසලානය පිළිබඳව මේ වනවිට ක්රිකට් ලෝකය කතා බහක් මතුව තිබෙනවා.
සාමාන්යයෙන් පිරිනමන කුසලානවලට සාපේක්ෂව මෙම කුසලානය ප්රමාණයෙන් කුඩාවීම ඊට හේතුවයි.
තරගාවලිය ජයග්රහණයෙන් අනතුරුව ඕස්ට්රේලියානු ක්රීඩකයින් එම ජයග්රාහී කුසලානය ලබාගෙන එකිනෙකා සමඟ උපහාසාත්මකව සිනාසෙන ආකාරය දැකගත හැකි වුණා.
මෙම කුසලානය සම්බන්ධයෙන් ක්රිකට් ප්රේක්ෂකයින් ද උපහාසාත්මක අදහස් දක්වා ඇති ආකාරය ද දැකගත හැකි වුණා.
