වයස අවුරුදු 19න් පහළ පන්දුවාර 20 ක්රිකට් ලෝක කුසලානයේ ශ්රී ලංකා යොවුන් ක්රීඩිකාවන් සහභාගී වන තෙවැනි තරගය අද (23) දහවල් 12ට ආරම්භ වනවා.
මැලේසියාවේ ක්වාලාලාම්පූර් හි බයුඑමස් ඕවල් ක්රීඩාංගණයේ දී මෙම තරගය පැවැත්වෙන්නේ ප්රතිවාදී ඉන්දීය යොවුන් ක්රීඩිකාවන්ට එරෙහිවයි.
ශ්රී ලංකාව සහ ඉන්දීය කණ්ඩායම් දෙකම මෙවර ලෝක කුසලානය වෙනුවෙන් A කාණ්ඩයෙන් තරග වදිනවා.
මේ වනවිට ප්රසාද ලකුණු සටහනේ තරග ජයග්රහණය කිරීමේ සාමාන්ය වේගය අනුව සිය කාණ්ඩයෙන් පෙරමුණ ගෙන සිටින ඉන්දීය යොවුන් ක්රීඩිකාවන් පැවති තරග දෙකම ජය ගැනීමට සමත් ව සිටිනවා.
ශ්රී ලංකා කණ්ඩායම ද මැලේසියාව සහ කොදෙව්වන් පරාජයට පත් කරමින් පැවති තරග දෙකම විශිෂ්ට ලෙස ජය ගනිමින් ප්රසාද ලකුණු සටහනේ දෙවැනි ස්ථානයට පත් ව ඇති අතර දෙපාර්ශ්වයට ම අද තරගය ජයග්රහණය විශේෂ වනු ඇති.
නිකී ප්රසාද් ඉන්දීය යොවුන් කණ්ඩායම මෙහෙයවන අතර ශ්රී ලංකා කණ්ඩායමේ නායකත්වය දරන්නේ මනුදි නානායක්කාර යි.
