Rajapura Handi Oil
Rajapura Diabetic Powder

10 වන ශ්‍රේණියේ සිසුවෙකු අපයෝජන කළ ගුරුවරිය රිමාන්ඩ්

මොරගහහෙන, ඔලබොඩුව ප්‍රදේශයේ පාසලක 10 වන ශ්‍රේණියේ සිසුවෙකුට ලිංගික අපයෝජන කළ පාසල් ගුරුවරියක් ලබන 06 වනදා දක්වා රක්ෂිත බන්ධාගාර ගතකර තිබෙනවා.

ඒ, සැකකාර ගුරුවරිය ඊයේ (01) හොරණ මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුවයි.

10 වන ශ්‍රේණියේ ඉගෙනුම ලබන සිසුවෙකුට පාසල් ගුරුවරියක් ලිංගික අපයෝජන සිදුකළ බවට ළමා ආරක්ෂණ අධිකාරියෙන් මොරගහහේන පොලිසියට දැනුම්දීමක් සිදුකර තිබෙනවා.

පසුව සිද්ධිය සම්බන්ධයෙන් පානදුර කොට්ඨාස ළමා කාන්තා කාර්යාංශ නිලධාරීන් විසින් විමර්ශන සිදුකර සැකකාර ගුරුවරිය ඊයේ (01) අත්අඩංගුවට ගැනුණා.

මෙලෙස අත්අඩංගුවට ගෙන අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගත කෙරුණේ 42 හැවිරිදි මිල්ලෑව ප්‍රදේශයේ පදිංචි ගුරුවරියක් බවයි පොලිසිය පැවසුවේ.

  1. දරුවෙකුට පන්සලකට, පසලකට යන්න. කොහොමද මෙ වගෙ අපයොජනය වෙනවනම්. ඉන්න හිතෙන රටක්!