නීතිවිරෝධී ලෙස මුහුදු මාර්ගයෙන් මෙරටට රැගෙන ආ බවට සැක කෙරෙන වියළි කහ කිලෝග්‍රෑම් 470ක පමණ තොගයක් (තෙත බර සහිත) නාවික හමුදා භාරයට ගැනීමට කටයුතු කර තිබෙනවා.
නාවික හමුදා මාධ්‍ය අංශය නිවේදනය කළේ; ඊයේ (10) මෙම වැටලීම සිදු කර ඇත්තේ පුත්තලම – සේරක්කුලිය වෙරළ ප්‍රදේශයේ දී බවයි.
මුහුදු මාර්ග ඔස්සේ සිදු කෙරෙන ජාවාරම් ඇතුළු නීති විරෝධී ක්‍රියා මැඩපැවැත්වීම සඳහා නාවික හමුදාව දිවයින වටා වෙරළ හා මුහුදු තීරය ආවරණය වන පරිදි නිරන්තර මුර සංචාර සහ සෝදිසි මෙහෙයුම් සිදු කරන අතර එහි ප්‍රතිඵලයක් ලෙස මෙම වැටලීම සිදු කර ඇත්තේ.
වයඹ නාවික විධානයට අයත් ක්‍ෂණික ක්‍රියාකාරී යාත්‍රා බලඝණය විසින් මෙම මෙහෙයුම සිදු කරනු ලැබුවා.
නාවික හමුදා භාරයට ගත් වියළි කහ තොගය ඉදිරි නීතිමය කටයුතු සිදු කරන තෙක් නාවික හමුදා භාරයේ තබා ගත් බවයි නාවික හමුදා මාධ්‍ය අංශය වැඩිදුරටත් නිවේදනය කළේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
