හෙට දිනයේ දී ද උපරිම මහජන සේවාවක් වෙනුවෙන් තම බැංකු ක්රියාත්මක වන බව මහජන සහ ලංකා බැංකු සභාපතිවරු අවධාරණය කරනවා.
බැංකු ක්ෂේත්රයේ පවතින ගැටලු සම්බන්ධයෙන් අද (28) දහවල් ජනාධිපති කාර්යාලයේ පැවති සාකච්ඡාවක දී ඔවුන් මෙම බව දැනුම් දුන්නා.
ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක සහ ජනාධිපති ලේකම් සමන් ඒකනායක යන මහත්වරුන්ගේ ප්රධානත්වයෙන් පැවති මෙම සාකච්ඡාවට රාජ්ය බැංකු ප්රධානින් සහ නියෝජිතයන් සහභාගී වි සිටියා.
රජය ගෙන යන වැඩපිළිවෙළට බාධා එල්ල නොවන ලෙස සහ ගනුදෙනුකරුවන් අපහසුතාවට පත්නොවන ලෙස බැංකු කටයුතු පවත්වාගෙන යෑමට ගතයුතු පියවර පිළිබඳ මෙහිදී පුළුල් ලෙස සාකච්ඡාවට ලක් කර ඇති අතර බැංකු සේවක සේවිකාවන් වෘත්තීය සමිති ක්රියාමාර්ග ගනු ලබන අවස්ථාවලදී, වැඩවර්ජන සිදු කරන දිනයේ දී යතුරු භාර දීම, රන් ආභරණ ඇතුළත් සේප්පුවල යතුරු භාරදීම ආදි විධිවිධාන ඇතුළත් චක්රලේඛයක් නිකුත් කිරීම සාමාන්ය සම්ප්රදාය වුවද හෙට දිනයේ දී ක්රියාත්මක කිරීමට නියමිත ඒකාබද්ධ බැංකු වෘත්තීය සමිති ක්රියාමාර්ගයට අදාළව එවැන්නක් සිදුව නොමැති බව මෙම සාකච්ඡාවේ දී අනාවරණය වුණා.
ඊට අදාළ පියවර කඩිනමින් ගන්නා බවට බැංකු සභාපතිවරු ප්රමුඛ ඉහළ කළමනාකාරිත්වය මේ හමුවේදී එකඟතාව පළ කර තිබෙනවා.
