වවුනියාව, තේක්කවත්ත ප්රදේශයේ ලැඟුම්හලක් තුළ පවත්වාගෙන ගිය ගණිකා ජාවාරමක් වටලා හිටපු යුද හමුදා විශේෂ කාර්ය බළකා සෙබළෙකු ඇතුළු සිව්දෙනෙකු වවුනියාව පොලිසිය විසින් අත්අඩංගුවට ගෙන තිබෙනවා.
ලැඟුම්හල තුළ ගණිකා නිවාසයක් පවත්වාගෙන යන බවට ලද තොරතුරක් මත අදාළ වැටලීම සිදුකර ඇති අතර එහිදී ලැඟුම්හලේ කළමනාකරු, ගණිකා වෘතියේ නිරත කාන්තාවන් දෙදෙනෙක් සහ හිටපු හමුදා සෙබළා මෙලෙස අත්අඩංගුවට ගත් බවයි පොලිසිය පැවසුවේ.
එම වැටලීමේ දී ලැඟුම්හල තුළ තිබී ටී- 56 ගිනිඅවි සඳහා භාවිත කරන පතරොම් 30ක් සහ යුද හමුදා නිල ඇඳුමකට සමාන නිලඇඳුමක් ද සොයා ගැනීමට හැකිව තිබෙනවා.
ලැඟුම්හලේ කළමනාකරු සහ යුද හමුදා සෙබළා කාන්තාවන් ගණිකා වෘතියේ යොදවා කලක සිට මෙම ජාවාරම සිදුකරගෙන ගොස් ඇති බවටයි අනාවරණය වී ඇත්තේ.
ලැඟුම්හලේ සිට හදිසි පිටවීම් සඳහා එහි කාමර තුළ රහස් පිටවීම් දොරටු කිහිපයක් ද සකසා තිබිය දී සිදුකළ පරික්ෂා කිරීම්වලදී සොයා ගැනීමට හැකිව තිබෙනවා.
අත්අඩංගුවට ගත් සැකකරුවන් දෙදෙනා සහ සැකකාරියන් දෙදෙනා වවුනියාව, මාමඩුව, ඇටවීරගොල්ලෑව සහ අනුරාධපුරය යන ප්රදේශවල පදිංචිකරුවන් බවයි වාර්තා වන්නේ.
