රාජ්ය මුදල් අවභාවිත කිරීමේ චෝදනාවකට අදාළව අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබූ මාධ්යවේදී ප්රසාද් මංජු ලබන 24 වැනිදා දක්වා රක්ෂිත බන්ධනාගාර ගත කිරීමට කොටුව මහේස්ත්රාත් පසන් අමරසේන මහතා අද (10) නියෝග කළා.
සැකකරු, හිටපු අමාත්ය විමල් වීරවංශගේ මාධ්ය ලේකම්වරයා ලෙස කටයුතු කළ අයෙක්.
රාජපක්ෂ පාලන සමයේ විමල් වීරවංශ රාජ්ය ඉදිකිරීම් ඉංජිනේරු සේවා හා පොදු පහසුකම් අමාත්යවරයා ලෙස කටයුතු කළ සමයේ ප්රසාද් මංජු, ඔහුගේ මාධ්ය ලේකම්වරයා ලෙස කටයුතු කර තිබෙනවා.
එම ධුරය දරන අතරතුර, නිල වාහනයක් හෝ ඉන්ධන දීමනාවක් ලබා ගැනීමට හිමිකම් තිබියදී, තමාට වාහනයක් අවශ්ය නොවන බව පවසමින්, වංචනික ලෙස ඉන්ධන සහ දීමනා වෙනුවෙන් රුපියල් ලක්ෂ 31 කට අධික (රුපියල් 3,100,000කට වැඩි) මුදලක් ලබාගෙන අවභාවිත කර ඇති බවට ඔහුට චෝදනා එල්ල වී තිබෙනවා.
මීට අමතරව, රාජ්ය ඉංජිනේරු සංස්ථාවේ කටයුතු සඳහා කුලී පදනම මත ලබාගෙන තිබූ වාහන ද නීතිවිරෝධී ලෙස මාධ්ය කටයුතු සඳහා පරිහරණය කරමින් රජයට විශාල වශයෙන් පාඩු සිදු කර ඇති බවටද මූල්ය අපරාධ විමර්ශන මගින් අනාවරණය වී තිබුණා.
මෙම මූල්ය වංචාව සම්බන්ධයෙන් සිදුකෙරෙන විමර්ශනවලට අදාළව අපරාධ පරීක්ෂණ දෙපාර්තමේන්තුව විසින් පසුගියදා ඔහුව අත්අඩංගුවට ගනු ලබුව් .
අද දින සැකකරු අධිකරණයට ඉදිරිපත් කිරීමෙන් අනතුරුව, ඉදිරිපත් වූ කරුණු සලකා බැලූ කොටුව මහේස්ත්රාත්වරයා, විමර්ශන කටයුතු සඳහා සැකකරු ලබන 24 වැනිදා දක්වා තවදුරටත් රක්ෂිත බන්ධනාගාර ගත කිරීමට නියෝග කළා.
