හැටන්, ඩන්බාර් ක්රීඩාංගණයේ ඊයේ (11) පැවති පාපන්දු තරගයක් අතර තුර ගැටුමක් ගටගෙන තිබෙනවා.
‘හැටන් ලීග් නගරාධිපති කුසාලාන’ පාපන්දු තරගාවලියේ ඊයේ පැවති තරගය අතර තුර මෙම ගැටුම හටගෙන ඇති බවයි ‘දසත නිවුස්’ වාර්තාකරු සඳහන් කළේ.
තරගය අවසන්වීමට මිනිත්තු 07ක් ඉතිරිව තිබිය දී මෙම ගැටුම ආරම්භ වී ඇති අතර, ඒ වන විට තරගය ක්රීඩා කරමින් සිටි හැටන් යන්මේට්ස් කණ්ඩායම ගෝල 03ක් ද නෝර්වුඩ් සන්රයිස් කණ්ඩායම එක් ගෝලයක් ද ලබාගෙන සිටියා.
තරගයේ උණුසුම සමඟ තරගය නැරඹීමට පැමිණ සිටි ප්රේක්ෂකයින් ක්රීඩා පිටියට පිවිස මෙම ගැටුම ඇති කරගෙන තිබුණා.
එම අවස්ථාවේ දී ක්රියාත්මක වූ පොලිසිය, ක්රීඩාංගනයට පැමිණ තත්ත්වය පාලනය කිරීමට පියවර ගෙන ඇති බවයි වාර්තා වුණේ.
