පසුගිය (25) වනදා බේරුවල ධීවර වරායෙන් මසුන් මැරීම සඳහා බහු දින ධීවර යාත්රාවකින් මුහුදට ගොස් සිටියදී එදිනම රාත්රීයේ එම යාත්රාවේ සිටි බලපිටිය, අම්පෙ ප්රදේශයේ පදිංචි පුද්ගලයෙකු මුහුදට වැටී අතුරුදහන් වී ඇති බව එම ධීවර යාත්රාවේ ක්රියාකරු විසින් ධීවරයාත්රා හිමිකරුට පවසා තිබුණා.
මෙලෙස අතුරුදන්ව ඇත්තේ, 33 හැවිරිදි පුද්ගලයෙකු වන අතර රාත්රී නමයට පමණ මෙම සිදුවීම සිදුව තිබෙනවා.
එසේ ධීවර කටයුතු සඳහා ගමන් ගත් ධීවරයාත්රාව ඊයේ (27) සවස බේරුවල ධීවර වරායට නැවත පැමිණීම සිදු කරන තිබුණා.
මෙම සිද්ධිය සම්බන්ධයෙන් ඉදිරි විමර්ශන ක්රියාත්මක කිරීම සඳහා බේරුවල පොලිසිය විශේෂ පොලිස් කණ්ඩායමක් යොදවා එම ධීවරයින් එම ධීවරයාත්රාවේ රඳවා ගෙන ප්රශ්න කිරීම් කටයුතු සිදු කරන තිබෙනවා.
මීට අමතරව කළුතර කොට්ඨාස අපරාධ ස්ථාන පරීක්ෂණ නිලධාරීන් ද එම ධීවරයාත්රාව විශේෂ පරීක්ෂාවට ලක් කිරීම සිදුකර ඇති අතර මේ වන විටත් මුහුදට වැටී අතුරුදහන් වූ කියන පුද්ගලයාගේ මළ සිරුර සොයාගෙන නොමැත.
එසේ මුහුදට වැටී අතුරුදහන් වූ පුද්ගලයාගේ බිරිඳ ප්රකාශ කරන්නේ, දරුවන් දෙදෙනෙකු සිටින ඇයගේ ස්වාමියා අතුරුදහන් වීම දරා ගත නොහැකි බවත් මෙම මරණය සම්බන්ධයෙන් ඇයට සැක කටයුත්තක් පවතින බවත්ය.
බේරුවල පොලිසිය එම ධීවරයාත්රාවේ සිටී ඉතිරි හය දෙනාගෙන් දීර්ඝ වශයෙන් ප්රශ්න කිරීම් සිදු කරනු ලබන අතර මෙම මරණය කෙසේ සිදුවුයේද යන්න පිළිබඳව ඉදිරි විමර්ශන ක්රියාත්මක බව බේරුවල පොලිසිය සඳහන් කර සිටිනවා.
