සටන් විරාම ගිවිසුම යටතේ හමාස් සංවිධානය විසින් නිදහස් කිරීමට නියමිත මීළඟ ඊශ්‍රායල ප්‍රාණ ඇපකරුවන් නම් කිරීමට නියමිත බව විදෙස් වාර්තා සඳහන් කරනවා.
ඒ, අනුව ප්‍රාණ ඇපකරුවන් සිව්දෙනෙකුගේ නම් හමාස් සංවිධානය විසින් ඊශ්‍රායලයට භාර දෙනු ඇතැයි අපේක්ෂා කෙරෙනවා.
මෙම ඊශ්‍රායල ප්‍රාණ ඇපකරුවන් හෙට (25) දිනයේ දී නිදහස් කිරීමට නියමිත බවයි වාර්තා වන්නේ.
මෙලෙස නිදහස් කරනු ලබන ප්‍රාණ ඇපකරුවන් සිව්දෙනාම කාන්තාවන් වනු ඇති බවයි විදෙස් වාර්තා වැඩි දුරටත් තොරතුරු වාර්තා කළේ.
ඊශ්‍රායලයේ රඳවා සිටින පලස්තීන සිරකරුවන් 180 දෙනෙකු වෙනුවෙන් මෙම ප්‍රාණ ඇපකරුවන් සිව්දෙනා නිදහස් කරනු ලබනවා.
පසුගිය ඉරිදා සටන් විරාමය ක්‍රියාත්මක වීමෙන් පසු එය සිදුවන දෙවන දෙවන ප්‍රාණ ඇපකරුවන් හුවමාරුව මෙය වනවා.
ඊශ්‍රායල සහ හමාස් සංවිධානය අතර සිදු වූ පළමු හුවමාරුවේදී ප්‍රාණ ඇපකරුවන් තිදෙනෙකු වෙනුවෙන් ඊශ්‍රාය රඳවාගෙන සිටි පලස්තීන සිරකරුවන් 90 දෙනෙකු නිදහස් කෙරුණා.
2023 ඔක්තෝබර් 07 වන දින හමාස් සංවිධානය ඊශ්‍රායලයට පහර දීමෙන් පසු පුද්ගලයින් 251 දෙනෙකු ප්‍රාණ ඇපකරුවන් ලෙස ගාසා තීරයට රැගෙන ගියා.
එලෙස රැගෙන ගිය ප්‍රාණ ඇපකරුවන්ගෙන් කිහිප දෙනෙක් හමාස් සංවිධානය විසින් අවස්ථා කිහිපයක දී ඝාතනය කර ඇති බවයි විදෙස් වාර්තා තොරතුරු වාර්තා කළේ.
