බුත්තල, කරවිලකනත්ත ප්‍රදේශයේ සිදුකළ වැටලීමකදී නිවසක් තුළ නිදන් සොයා කැණීම් කරමින් සිටි පුද්ගලයකු අත්අඩංගුවටගැනීමට පොලිසියට හැකිව තිබෙනවා.
මොණරාගල කොට්ඨාස අපරාධ විමර්ශන අංශයේ නිලධාරීන් පිරිසක් විසින් මෙම වැටලීම සිදුකර ඇති බවයි වාර්තා වුණේ.
මෙම පුද්ගලයා විසින් ඉදිකරමින් පවතින නිවසක කාමරයක මෙම කැණීම් සූක්ෂම ලෙස සිදුකරගෙන ගොස් ඇති බවයි අනාවරණය වී ඇත්තේ.
අත්අඩංගුවට ගැනුණු සැකකරුගෙන් සිදුකළ ප්‍රශ්න කිරීම්වලදී පොලිසිය හමුවේ පවසා ඇත්තේ, තම සීයා හීනෙන් පැමිණ මෙම ස්ථානයේ මැණික් මුට්ටියක් ඇති බවත් එය ලබාගෙන දියණු වන ලෙසත් තමන්ට පැවසූ බවයි.
ඒ, අනුව තමන් එම නිධානය සොයා මෙම ස්ථානයේ කැනීම් සිදුකළ බවයි ඔහු පොලිසියට වැඩිදුරටත් පවසා ඇත්තේ.
මෙලෙස අත්අඩංගුවට ගැනුණු සැකකරු වයස අවුරුදු 43ක අයෙක් වන අතර, සැකකරු කැණීම් සදහා යොදාගත් උපකරණ සහ පූජා භාණ්ඩ තොගයක් ද පොලිස් භාරයුඅට ගෙන තිබෙනවා.
සැකකරු වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිත බවයි වාර්තා වුණේ.
