යාපනය, චුන්නාකම්, කන්දරෝඩ්ඩෙයි ප්රදේශයේ නිවසක තිබි තරුණියකගේ මළ සිරුරක් සොයාගත් බව යාපනය චුන්නාකම් පොලීසිය පවසයි.
එම තරුණිය ගෙල වැලලාගෙන සියදිවි හානිකරගෙන ඇති බවට මුලික පරීක්ෂණයන්ගෙන් අනාවරණය වී තිබේ.
මියගොස් ඇත්තේ යාපනය විශ්වවිද්යාලයේ දෙවන වසරේ අධ්යාපනය ලබමින් සිටි 23 හැවිරිදි ශිෂ්යාවකි.
තිරුලිංගම් චාරුකා නමැති ඇය යාපනයේ උඩුවිල් බාලිකා විද්යාලයේ කැපී පෙනෙන දක්ෂතා දැක්වූ සිසුවියකි.
උසස් පෙළ විභාගයෙන් දිස්ත්රික්කයේ ඉහළම සාමාර්ථ ලබා වෛද්යවිද්යාලයට තේරුණ ඇය පසුගිය කාලයේ කිසියම් මානසික පීඩනයකින් අධ්යයන කටයුතු වල නිරතවූ බවට තොරතුරු තිබේ.
යාපනය, චුන්නාකම්, කන්දරෝඩ්ඩෙයි ප්රදේශයේ ඇය පදිංචි නිවස චුන්නාකම් පොලිසිය මගින් සෝදිසි කර නිවැසියන්ගෙන් ප්රකාශද සටහන් කරගෙන ඇත.
මරණයට හේතුව මෙතෙක් අනාවරණය වී නොමැති අතර චුන්නාකම් පොලීසිය වැඩිදුර පරීක්ෂණ ආරම්භ කර තිබේ.
