සමාජ යහපත තකා පෞද්ගලික ධනයෙන් දුම්රිය මගීන්ගේ විඩාව නිවූ මනුසත්කම

පොතුහැර දුම්රිය ස්ථානයේ මගීන් සඳහා වන වේදිකා බංකු බොහෝමයක් දීර්ඝ කලක පටන් ඉතා අබලන් තත්ත්වයක පැවතීම හේතුවෙන්, ඉන් දැඩි දුෂ්කරතාවකට ලක් වූයේ, එහි යන එන මගී ජනතාවයි.

මෙවන් තත්ත්වයක් මත පොදු මහජනතාවගේ සුබ සිද්ධිය තකා පොතුහැර තරුණ බෞද්ධ සංගමයේ සභාපති වන ව්‍යාපාරික කේ. වී. ගයාන් සුරංග මහතා රුපියල් ලක්ෂ 21ක් වැය කරමින් මෙම උතුම් සමාජ සත්කාරය සිදු කර තිබෙනවා.

පොතුහැර දුම්රිය ස්ථානයේ වේදිකා මගී ආසන 14 ක්, පොසොන් පෝය නිමිති කරගෙන දුම්රිය ස්ථානයේ පැවැත්වෙන දන්සලට දායකත්වය සැපයූ ප්‍රදේශයේ විහාරස්ථාන 19ක දහම් පාසැල් සඳහා ගුරු මේසයක් හා කාර්යාල පොත් රාක්කයක් බැගින් ද පොතුහැර මුස්ලිම් පල්ලිය දහම් පාසල් 2කට හා ක්‍රිස්තියානි පල්ලි දහම් පාසලක් සඳහා ද මෙහිදී පරිත්‍යාග කිරීම සිදු වුණා.

පොල්ගහවෙල, පොතුහැර, කුරුණෑගල යන පොලිස් ස්ථාන සඳහා ද කාර්යාල මේස පොත් රාක්ක ලබා දීමට කටයුතු කෙරුණු බවයි වාර්තා වන්නේ

පොතුහැර උතුරු ශාසනාරක්ෂක බල මණ්ඩලයේ ලේඛකාධිකාරී ඉහළ දොළොස් පත්තුවේ ප්‍රධාන අධිකරණ සංඝනායක පූජ්‍ය මහපිටියේ චන්දානන්ද ස්වාමීන් වහන්සේගේ අනුශාසකත්වය යටතේ මෙම වැඩසටහන සිදු කෙරුණා.