සංශෝධිත පළාත් සභා මැතිවරණ පනත් කෙටුම්පත ලබන සතියේ පාර්ලිමේන්තුවට ඉදිරිපත් කරන බව රාජ්‍ය පරිපාලන, පළාත් සභා සහ පළාත් පාලන අමාත්‍යාංශය නිවේදනය කරනවා.
එම පනත් කෙටුම්පත දැනටමත් ගැසට් කර ඇති බවයි රාජ්‍ය පරිපාලන පළාත් සභා සහ පළාත් පාලන අමාත්‍ය මහාචාර්ය චන්දන අබේරත්න සඳහන් කළේ.
පනත් කෙටුම්පත පාර්ලිමේන්තුවට ඉදිරිපත් කිරීමෙන් පසු අධිකරණයේ විරෝධතා නොමැති නම් මේ මස වන විට එය සම්මත කරන බවයි අමාත්‍යවරයා පැවසුවේ.
ඉන් අනතුරුව අපොස සාමාන්‍ය පෙළ විභාගයට බාධාවක් නොවන බවට සහතික වෙමින් පළාත් සභා මැතිවරණය අප්‍රේල් මාසයට පෙර පැවැත්වීමට රජය සැලසුම් කර තිබෙනවා.
භාණ්ඩාගාරයෙන් ප්‍රමාණවත් මූල්‍ය ප්‍රතිපාදන වෙන් නොකිරීම හේතුවෙන් 2023 වසරේ පැවැත්වීමට නියමිතව තිබූ පළාත් සභා මැතිවරණය පැවැත්වීමට අවස්ථාව හිමි වූයේ නැහැ.
ඒ, අනුව මැතිවරණයට අදාළ කැඳවා තිබූ නාමයෝජනා අවලංගු කිරීමට කැබිනට් මණ්ඩලය පසුගියදා තීරණය කළා.
