කොරෝනා ව්‍යාප්තිය පාලනය කර ශ්‍රී ලංකාව යහපත් තැනකට ගෙන ඒමට නම් දෛනික ආසාදිතයින් 950ක් දක්වා වත් අඩුවිය යුතු බව ශ්‍රී ලංකා වෛද්‍ය සංගමය පවසනවා.
ජනතාව සංචරණ සීමාවලට අවනත නොවන්නේ නම් පහල යමින් පවතින කොරෝනා ආසාදිතයින් සංඛ්‍යාව ඉදිරියේදී යළිත් ඉහළ යා හැකි බව ශ්‍රී ලංකා වෛද්‍ය සංගමයේ උප සභාපති විශේෂඥ වෛද්‍ය මනිල්ක සුමනතිලක ප්‍රකාශ කළා. ඒ අද මාධ්‍ය වෙත අදහස් දක්වමින්.
මේ අතර වයෝවෘද්ධ සහ අබාධිත කොරෝනා ආසාදිතයින් රැක බලා ගැනීමේ විධිමත් වැඩපිළිවෙලක අවශ්‍යතාව මහජන සෞඛ්‍ය පරීක්ෂකවරුන්ගේ සංගමය පෙන්වා දෙනවා.
මේ අතර නිදන්ගත රෝග සහිත අවුරුදු 12ට වැඩි දරුවන් එන්නත් කිරීමේ වැඩපිළිවෙල ලබන 21 වැනිදා ආරම්භ වන්නේ කොළඹ රිජ්වේ ආර්යා ළමා රෝහලෙන්.
ඒ යටතේ ලබාදීමට නියමිතව ඇත්තේ ෆයිසර් එන්නතයි.
අද දිනයේ මේ දක්වා කොරෝනා ආසාදිතයින් 2,022 දෙනෙකු වාර්තා වී තිබෙනවා.
ඒ සමඟ මෙරට සමස්ත ආසාදිතයින් සංඛ්‍යාව 485,302ක් දක්වා ඉහළ ගියා
