සංක්රමණික විරෝධතා හේතුවෙන් ලොස්ඇන්ජලීස්හි මේ වන විට දැඩි නොසන්සුන්තාවයක් ඇතිව තිබෙනවා.
ඒ, අනුව ඇමරිකානු හමුදාව ලොස්ඇන්ජලීස් නුවරට මැරීන් භටයින් 700ක් යොදවන බවට තහවුරු කර ඇති බවයි වාර්තා වුණේ.
මේ අතර ලෝස්ඇන්ජලීස් නුවරට අමතර ආරක්ෂක භටයින් 2,000ක් යෙදවිමට ජනපති ඩොනල්ඩ් ට්රම්ප් පසුගියදා නියෝගයන නිකුත් කළා.
ඒ, ලොස්ඇන්ජලීස්හි ආරක්ෂාව ඉහළ දැමීම සඳහා ආරක්ෂක අංශ යෙදවිමට ඩොනල්ඩ් ට්රම්ප් අත්සන් කළ විධායක නියෝගයකට අනුවයි.
ට්රම්ප් ජනපතිවරයා පැවසුවේ ආරක්ෂක භටයින් යෙදවීමට වැදගත් තීරණයක් ගත් බවත්, එසේ නොකළේ නම් ලොස්ඇන්ජලීස් නගරය සම්පූර්ණයෙන්ම විනාශ වීමට ඉඩ තිබූ බවයි.
මේ අතර කැලිෆෝනියා ආණ්ඩුකාර ගැවින් නිව්සම් පවසන්නේ මෙම යෙදවීම් සම්බන්ධයෙන් ට්රම්ප් පරිපාලනයට එරෙහිව නීතිමය පියවර ගන්නා බවයි.
ආගමන රේගු බලාත්මක කිරීමේ නිලධාරීන් නගරය පුරා වැටලීම් සිදුකිරීම ආරම්භ කිරීමත් සමඟ පසුගිය සිකුරාදා ලොස්ඇන්ජලීස් නගරයේ පිටත විරෝධතා ආරම්භ වුණා.
