අද (22) පස්වරු 5.00 වන විට නියමිත බස් ගාස්තු සංශෝධනය ප්‍රකාශයට පත් නොකිරීමට ජාතික ගමනාගමන කොමිෂන් සභාවට කටයුතු නොකළ හොත් පස්වරු 6.00 සිට වර්ජන ක්‍රියාමාර්ගයක් ආරම්භ කරන බව පෞද්ගලික බස් සංගම් පවසනවා.
ඉන්ධන මිල ඉහළ දැමීමත් සමඟ කෙටි දුර ධාවනය කරන බස් රථ සඳහා රුපියල් 7,000ක අමතර ඉන්ධන පිරිවැයක් සහ දුරගමන් සේවා බස් රථ සඳහන් රුපියල් 15,000-20,000ත් අතර අමතර පිරිවැයක් දැරීමට සිදුවන බවයි එම බස් සංගම සඳහන් කළේ.
මේ අතර ඉන්ධන මිල ඉහළ දැමීමට කටයුතු කිරීමත් සමඟ ප්‍රවාහන අමාත්‍යවරයා ඇතුළු බලධාරීන් සමඟ ගාස්තු සංශෝධනය සම්බන්ධයෙන් සාකච්ඡාවකට අවස්ථාවක් ඉල්ලා සිටිය ද මේ දක්වා එම අවස්ථාව නොලැබුණු බවයි ඒකාබද්ධ ප්‍රවාහන මධ්‍යස්ථානයේ සභාපති සම්පත් රණසිංහ පැවසුවේ.
