විස්සයි විස්ස ලෝක කුසලාන තරගාවලියේ අවසන් පූර්ව වටයට සුදුසුකම් ලබාගැනීමේ ශ්‍රී ලංකාවේ බලාපොරොත්තු තව දුර යවමින් අයර්ලන්තය කණ්ඩායම අද නවසීලන්තය ඉදිරියේ පරාජයට පත් වුණා.
ඒ අනුව සුපිරි 12 වටයේ පැවති මෙම තරගය නවසීලන්තය ජය ගත්තේ ලකුණු 35කින්.
මෙම පරාජයත් සමඟ මෙවර 20-20 ලෝක කුසලාන තරගාවලියෙන් ඉවත්වීමට අයර්ලන්තයට අද සිදු වුණා.
නවසීලන්තය ලැබූ මෙම ජයත් සමඟ එම කාණ්ඩයේ ප්‍රසාද ලකුණු 07ක් හිමි කරගනිමින් නවසීලන්තය 2022 ලෝක කුසලාන තරගාවලියේ අවසන් පූර්ව වටයට සුදුසුකම් ලැබූ පළමු කණ්ඩායම බවට පත්වුණා.
මේ අතර ශ්‍රී ලංකා කණ්ඩායමට අවසන් පූර්ව වටයට සුදුසුකම් ලබා ගැනීමට නම් ඕස්ට්‍රේලියාව සහ ඇෆ්ගනිස්ථානය අතර අද (04) පැවැත්වෙන තරගය ඕස්ට්‍රේලියාව පරාජය විය යුතු වනවා.
එමෙන්ම ශ්‍රී ලංකාව හෙට (05) එංගලන්තය සමඟ මුහුණ දෙන තරගය ජය ගැනීම ද අනිවාර්ය සාධකයක් බවට මේ වනවිට පත්ව තිබෙනවා.
අද පැවති නවසීලන්තට සහ අයර්ලන්ත අතර තරගයේ වාසිය දිනා ගැනීමට අයර්ලන්ත කණ්ඩායම සමත් වූ අතර ඔවුන් තීරණය කළේ පළමුවෙන් පන්දුවට පහරදීමේ අවස්ථාව නවසීලන්තයට ලබාදීමටයි
ඒ, අනුව නවසීලන්ත පිතිකරුවන් නියමිත පන්දුවාර 20 තුළ කුඩුලු 06 දැවී 185ක ලකුණු පුවරුවක් නිර්මාණය කළා.
ලකුණු 186ක ජයග්‍රාහී ඉලක්කය හඹායෑමට පිටියට පිවිසි අයර්ලන්ත පිතිකරුවන්ට නියමිත පන්දුවාර 20 අවසානයේ කඩුලු 09ක් දැවී ලබාගත හැකිවූයේ ලකුණු 150ක් පමණයි.
ඒ, අනුව මෙම තරග නවසීලන්තය ලකුණු 35කින් ජය ගැනීමට සමත් වුණා.
