ශ්රී ලංකාව සහ ඇෆ්ගනිස්ථානය අතර, ඊයේ (30) පැවති ක්රිකට් තරගය නරඹමින් විනෝද වෙමින් සිටිය දී යුද හමුදා විශ්රාමික නිලධාරියෙකු විසින් පහර දුන් බවට පවසමින් යුද හමුදා බේස්බෝල් කණ්ඩායමේ ක්රීඩකයෙකු රෝහල්ගතව ඇති බව කහතුඩුව පොලිසිය පවසනවා.
යුද හමුදා ජාතික බේස්බෝල් කණ්ඩායමේ ක්රීඩකයන් 20 දෙනෙකු පුහුණුවක් සඳහා හෝමාගම දියගම මහින්ද රාජපක්ෂ ක්රීඩාංගණය වෙත මීට දින කීපයකට පෙර පැමිණ තිබෙනවා.
එහිදී ඔවුන් කුලී පදනම මත නවාතැන් ගෙන ඇත්තේ විශ්රාමික යුද හමුදා නිලධාරියාගේ නිවසේ බවයි වාර්තා වන්නේ.
ඊයේ (30) රාත්රියේ පැවති ශ්රී ලංකා – ඇෆ්ගනිස්ථාන ක්රිකට් තරඟය, එම අවස්ථාවේ සිටි යුද හමුදා ජාතික බේස්බෝල් කණ්ඩායමේ ක්රීඩකයින් හයදෙනෙකු පමණ නරඹා ඇති අතර ඔවුන් එහිදී මත්පැන් පානය කර විනෝද වී ඇති බවයි දැනගන්නට ලැබුණේ.
අනතුරුව රාත්රී 1.00ට පමණ නිවෙස් හිමි විශ්රාමික හමුදා නිලධාරියා සහ බිරිඳ පැමිණ ඔවුන්ට බැණ වැදී ඇති අතර, එහිදී එකිනෙකාට පහරදීමක් ද සිදුකර ගෙන තිබූ බව තොරතුරු අනාවරණය වී තිබෙනවා.
ඒ, අනුව විශ්රාමික හමුදා නිලධාරියා තමන්ට පහර දුන් බව පවසමින් යුද හමුදා ක්රීඩකයෙක් රෝහල් ගතව ඇති බවයි වාර්තා වුණේ.
පහර දුන් බව කියන විශ්රාමික හමුදා නිලධාරියා ද ප්රතිකාර සඳහා හෝමාගම මූලික රෝහලට ඇතුළත්ව ඇති අතර, සිද්ධිය සම්බන්ධයෙන් කහතුඩුව මූලස්ථාන පොලිසිය වැඩිදුර පරීක්ෂණ පවත්වනවා.
Meya weredi niweradi karanda admin