ශ්රී ලංකාව සහ චීනය අතර උපායමාර්ගික සහයෝගීතාව වර්ධනය කර ගැනීමේ එකඟතාවන්ට පැමිණ තිබෙනවා.
විදේශ කටයුතු අමාත්ය විජිත හේරත් සහ චීන විදේශ අමාත්ය වැන්ග් යී අතර පැවති හමුවක දී මෙම එකඟතාවයට පැමිණ ඇති බවයි වාර්තා වුණේ.,
මැලේසියාවේ පැවති විදේශ අමාත්යවරුන්ගේ රැස්වීම්වලට සමගාමීව ශ්රී ලංකා චීන විදේශ අමාත්යවරුන්ගේ සාකච්ඡාව පැවැත්වුණා.
ශ්රී ලංකාවට අවශ්ය සෑම අවස්ථාවකදීම චීනය දක්වන සහාය පිළිබඳව විජිත හේරත් අමාත්යවරයා මෙහිදී අගය කළා.
චීනය සහ ශ්රී ලංකාව අතර ශක්තිමත් ද්වීපාර්ශ්වික සබදතාව රටේ සංවර්ධනයට සහ කලාපීය සහයෝගීතාවට සැලකිය යුතු ලෙස දායකවන බවයි ඔහු මෙහිදී පෙන්වා දුන්නේ.
මේ අතර චීනය සමඟ සමීපව කටයුතු කිරීමට ශ්රී ලංකාව දක්වන උනන්දුව චීන විදේශ අමාත්යවරයා මෙහිදී අගය කළා.
එක් තීරයක් එක් මාවතක් මුලපිරීම යටතේ අඛණ්ඩ සහයෝගීතාවන් වේගවත් කිරීමේ වැදගත්කම ද චීන විදේශ කටයුතු අමාත්යවරයා පෙන්වා දුන්නා.
එමෙන්ම පුනර්ජනනීය බලශක්තිය, ඩිජිටල් ආර්ථිකය, කෘෂිකර්මාන්තය සහ සමුද්ර අංශවල සහයෝගීතාව පුළුල්කර ගැනීම පිළිබදව ද මෙහිදී වැඩි අවධානයක් යොමුව තිබෙනවා.
