2025 චැම්පියන්ස් කුසලාන ජයග්රහණය කළ ඉන්දීය නායක රෝහිත් ශර්මා සිය විශ්රාම ගැනීම පිළිබඳව නිහඬතාවය බිඳ දමා තිබෙනවා.
අවසන් මහා තරගයෙන් අනතුරුව පැවති මාධ්ය හමුවේ දී අදහස් දක්වමින් ශර්මා සඳහන් කළේ තවමන් එක්දින ආකෘතියෙන් විශ්රාම යාමට තවමත් තීරණයක් ගෙන නොමැති බවයි.
“මම මේ ආකෘතියෙන් විශ්රාම යන්නේ නැහැ. ඉදිරියට යන විට කිසිදු කටකතාවක් පැතිර නොයන බවට වග බලා ගැනීම සඳහා මේ දේ, අනාගත සැලැස්මක් නෑ , සිදුවන ඕනෑම දෙයක් එලෙසම පවතීවි.” යනුවෙන් ඔහු වැඩිදුරටත් අදහස් දක්වමින් මෙහිදී පැවසුවා.
ඊයේ පැවති චැම්පියන්ස් කුසලාන අවසන් මහා තරගයට පෙර රෝහිත් ෂර්මාගේ අනාගතය පිළිබඳව විශාල කතාබහක් ඇතිව තිබුණා.
එහිදී බොහෝ පිරිසක් සඳහන් කළේ චැම්පියන්ස් කුසලාන අවසන් මහා තරගයෙන් පසු ඔහු එක්දින ආකෘතියෙන් විශ්රාම යනු ඇති බවයි.
ඇතැමුන් සඳහන් කළේ ශර්මා ඉන්දීය නායකත්වය තරුණ ක්රීඩකයෙකුට පවරා ඔහු පිතිකරුවෙකු ලෙස කණ්ඩායම තුළ රැඳී සිටිනු ඇති බවයි.
ඩුබායි හි ඊයේ පැවති චැම්පියන්ස් කුසලාන අවසන් මහා තරඟයේ දී නවසීලන්තයට එරෙහිව විශිෂ්ට ඉනිමක් ක්රීඩා කරමින් රෝහිත් ෂර්මා ICC ඉසව්වක අවසන් තරඟයක දී ඔහුගේ පළමු අර්ධ ශතකය වාර්තා කළා.
