වෝන් – මුරලි කුසලානයට ඕස්ට්‍ර්ලියානු කණ්ඩායම දිවයිනට (ඡායාරූප)

වෝන් – මුරලි ටෙස්ට් ක්‍රිකට් තරගාවලිය සඳහා සහභාගීවන ඕස්ට්‍ර්ලියානු කණ්ඩායම ඊයේ (24) දිවයිනට පැමිණියා.

එම කණ්ඩායම ඩුබායි සිට එමිරේට්ස් ගුවන් සේවයේ ඊ.කේ.- 648 දරන ගුවන් යානයෙන් ඊයේ රාත්‍රී 10.22ට කටුනායක ගුවන් තොටුපොළට ලඟා වූ බවයි තොටුපොළට දසත වාර්තාකරු සඳහන් කළේ.

ඕස්ල්ට්‍ර්ලියානු කණ්ඩායම ශ්‍රී ලංකාවට පැමිණීමට පෙර ඩුබායි හිදී විශේෂ පුහුණු කඳවුරකට සහභාගී වී සිටියා.

ඕස්ට්‍රේලියානු ක්‍රිකට් කණ්ඩායම පිළිගැනීම සදහා ශ්‍රී ලංකා ක්‍රිකට් ආයතනයේ නිලධාරීන් පිරිසක් කටුනායක ගුවන් තොටුපොළ වෙත පැමිණ සිටි බවයි වාර්තා වුණේ.

ශ්‍රී ලංකාව සහ ඕස්ට්‍රේලියානු කණ්ඩායම අතර පළමු ටෙස්ට් තරගය ලබන 29 වනදා ගාල්ලේ දී ආරම්භ වනවා.

තරග දෙකකින් සමන්විත ටෙස්ට් තරගාවලිය අවසන් වීමෙන් පසු තරග දෙකකින් සමන්විත එක්දින තරගාවලිය එළඹෙන පෙබරවාරි 12 වනදා ආරම්භවීමට නියමිතයි.