මන්නාරම – වෙඩිතලතිව් ප්‍රදේශයේ යුද හමුදා කඳවුරක සෙබළුන් පිරිසකට කිසියම් උණ රෝගයක් පැතිරයාම හේතුවෙන් කඳවුරේ සෙබළුන් කඳවුර තුළම නිරෝධායනය කිරීමට කටයුතු කර තිබෙනවා.
සෞඛ්‍ය අංශ පැවසුවේ කඳවුරේ සෙබළුන් 20 කට ආසන්න ප්‍රමාණයකට යම් උණ රෝගී තත්ත්වයක් පැතිර ගොස් ඇති බවයි.
උණ රෝගයට ගොදුරු වූ සෙබළුන් පිරිසක් රෝහල්ගත කිරීමට පියවර ගෙන ඇති අතර, කඳවුර තුළ සිටින තවත් සෙබළුන් 500 කට ආසන්න ප්‍රමාණයක් කඳවුර තුළම නිරෝධායනය කිරීමට පියවර ගෙන ඇති බවත් මන්නාරම සෞඛ්‍ය අංශ සඳහන් කරනවා.
දින හතරක පමණ කාලයක සිට උණ රෝගය පැතිරීම සිදුව ඇති බව මූලිකව අනාවරණය වී තිබෙනවා.
යුද හමුදා නිලධාරීන් පැවසුවේ රෝගී තත්ත්වය පාලනයට ගත හැකි සියළු ක්‍රියාමාර්ග සෞඛ්‍ය අංශ විසින් ගෙන ඇති බවයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
