අධිකරණ සේවා සංගමයේ සභාපති ධුරයෙන් මහේස්ත්රාත් පසන් අමරසේන මහතා ඉල්ලා අස් වී තිබෙනවා.
අධිකරණ සේවා සංගමයේ ලේකම්වරයා විසින් අද (11) දිනයේ කැඳවා ඇති එම සංගමයේ මහා සභා රැස්වීම සම්බන්ධයෙන් මතුව ඇති මතභේදාත්මක තත්ත්වයක් මෙම ඉල්ලා අස්වීමට හේතු වී ඇති බවයි වාර්තා වන්නේ.
විනිසුරුවරුන්ගේ ධුර කාලය දීර්ඝ කිරීමේ කරුණ සම්බන්ධයෙන් අධිකරණ සේවා සංගමයේ සාමාජිකයින්ගේ අදහස් විමසීමට එම සංගමයේ විශේෂ මහා සභා රැස්වීමක් අද (11) දිනයේ කඩුවෙල මහේස්ත්රාත් අධිකරණ පරිශ්රයේ දී පැවැත්වීමට තීරණය කර තිබෙනවා.
එම තීරණය මහේස්ත්රාත් පසන් අමරසේන මහතාගේ මෙම ඉල්ලා අස්වීමට හේතු වී ඇති බව සඳහන්.
ව්යවස්ථාව උල්ලංඝනය කරමින් සිදු කිරීමට උත්සාහ කළ මෙම ක්රියාමාර්ගය හමුවේ ඇති වූ අවුල් සහගත තත්ත්වය මත අමරසේන මහතා මෙම තීරණය ගෙන ඇති අතර, ඔහුගේ මෙම දැඩි ස්ථාවරය සංගමයේ බහුතර සාමාජිකයන්ගේ ඇගයීමට ලක්ව ඇති බවයි වාර්තා වන්නේ.
