විදෙස් ගතවෙන්න ආ බැසිල් දැඩි විරෝධය මත ආපසු හැරී යයි (ඡායාරූප)

හිටපු මුදල් අමාත්‍ය බැසිල් රාජපක්ෂ අද (12) අළුයම විදේශ ගතවීම සඳහා කටුනායක ගුවන් තොටුපොළ වෙත පැමිණ ඇති බව වාර්තා වනවා.

එම අවස්ථාවේ ඔහුට දැඩි විරෝධයක් එල්ල වීම හේතුවෙන් ගුවන් තොටුපොළෙන් යළි හැරී යාමට සිදුවූ බවයි වැඩි දුරටත් තොරතුරු වාර්තා වන්නේ.

හිටපු අමාත්‍යවරයා කටුනායක ගුවන්තොටුපොළේ BIA පර්යන්තයට පැමිණීමෙන් පසු ඔහුට විරෝධය පා එහි සේවයේ නියුතු ආගමන විගමන නිලධාරීන් සිය රාජකාරිවලින් ඉවත් ව ඇති බව සඳහන්.

ඒ හේතුවෙන් සිය විදෙස් ගමන අතර මඟ නවතා දමා හිටපු අමාත්‍යවරයා කටුනායක ගුවන්තොටුපොළෙන් ආපසු පැමිණ ඇති බවයි දැනගන්නට ලැබෙන්නේ.