විද්‍යාපීඨ පුහුණුව අවසන් කළ ශික්ෂණලාභීන් 7,800කට ගුරුපත්වීම් ලබාදීම ලබන ජුනි මස 15 දින සිදු කිරීමට නියමිත බව අධ්‍යාපන අමාත්‍යංශය සඳහන් කරනවා.
අධ්‍යාපන අමාත්‍ය සුසිල් ප්‍රේමජයන්තගේ ප්‍රධානත්වයෙන් අද (20) පැවති පාසල් පද්ධතියේ කාලීන තත්ත්වය පිළිබඳ සලකා බැලෙන විශේෂ සාකච්ඡාවක දී මේ පිළිබඳව අනාවරණය කෙරුණා.
උපාධිධාරී ගුරුපත්වීම් සහ විදුහල්පති පත්වීම් ලබාදීම සම්බන්ධයෙන් ද මෙම සාකච්ඡාවේ දී අවධානයය යොමුව තිබෙනවා.
එමෙන්ම විදුහල්පති පුරප්පාඩු පිරවීම සඳහා ඉදිරියේදී පැවැත්වෙන සම්මුඛ පරීක්ෂණ කඩිනමින් අවසන් කර අදාල පත්වීම් ඉක්මනින් ලබාදෙන ලෙසත් අමාත්‍යවරයා උපදෙස් ලබා දුන් බවයි එම අධ්‍යාපන අමාත්‍යංශයේ මාධ්‍ය ඒකකය සඳහන් කළේ.
ලබන වසරේ දී සාමාන්‍ය පෙළ හා උසස් පෙළ යන විභාග දෙකම එකම වසරක් තුළ පැවැත්විය හැකි පරිදි අධ්‍යන කටයුතු ක්‍රමානුකූලව සාමාන්‍ය තත්ත්වයට ගෙන ඒමට විභාග කාල සටහන යාවත්කාලීන කිරීමට බලධාරීන්ට අවශ්‍ය උපදෙස් ලබාදීම ද මෙහිදී සිදුකෙරුණා.
