අද (04) අලුයම් කාලයේ වැලිගම – කප්පරතොට ප්රදේශයේ පුද්ගලයින් 05 දෙනෙකු ඉලක්ක කර තැබූ වෙඩි ප්රහාරයට වෙඩික්කරුවන් පැමිණි බවට සැක කෙරෙන ‘පල්සර්’ වර්ගයේ යතුරුපැදියක් වැවක දමා ගොස් තිබියදී සොයාගෙන තිබෙනවා.
මෙම යතුරුපැදිය වැලිගම පොලිසිය විසින් සොයාගනු ලැබුවේ මූනමල්පෙ පෙදෙසෙ පිහිටි වැවකින් බවයි වාර්තා වන්නේ.
අලුයම 01ට පමණ නාඳුනන තුවක්කුකරුවන් පැමිණ පා ගමනින් ගමන් කරමින් සිටි පුද්ගලයින් පස්දෙනෙකුට වල්ලිවෙල මාර්ගයේ දී වෙඩි තබා පලා ගොස් තිබුණා.
වෙඩි තැබීමෙන් 26 හැවිරිදි තරුණයෙකුට දිවි අහිමි වූ අතර 29 හැවිරිදි තරුණයෙකු බරපතළ තුවාල ලබා වැලිගමින් මාතර මහ රෝහලට මාරු කර යැවුණා.
මෙම වෙඩි ප්රහාරයට පැමිණි වෙඩික්කකරුවන් යතුරුපැදි තුනකින් පැමිණ ඇති බවයි පැවසෙන්නේ.
මෙම පුද්ගලයින් පස්දෙනාගෙන් දෙදෙනකුට පමණක් වෙඩි වැදී තිබුණා.
වෙඩි වැදීමෙන් මියගොස් ඇත්තේ කප්පරතොට ප්රදේශයේ පදිංචි ව සිටි 26 හැවිරිදි තරුණයෙක්.
මෙම මියගිය තරුණයා සහ සෙසු පිරිස ජනවාරි පළමු දින මාතර බන්ධනාගාරයේ සිර මැදිරියකට බෝ අත්තක් කඩා වැටීමෙන් මියගිය රැඳවූවාගේ අවමංගල්යය උත්සවයට සහභාගී වී නැවත නිවස වෙත පැමිණෙමින් සිටියදියි අදාළ වෙඩි තැබීමට ගොදුරු වී ඇත්තේ.
T56 වර්ගයේ ගිනි අවියක් වෙඩි තැබීමට යොදාගෙන තිබෙන බවත් රිවෝල්වර වර්ගයේ ජීව උණ්ඩ දෙකක් ද හමු වී ඇති බවත් පොලිසිය පැවසුවා.
මෙම වෙඩි තැබීමට හේතුව සම්බන්ධයෙන් තොරතුරක් මෙතෙක් අනාවරණය නොවන අතර සිද්ධිය සම්බන්ධයෙන් වැලිගම පොලිසිය පරීක්ෂණ පවත්වනවා.
