රටේ පවතින ආර්ථික තත්ත්වය තුළ රාජ්‍ය සේවකයින්ගේ වැටුප් වැඩි කිරීමක් සිදු කරන්නේ නම්; ඊට සාපේක්ෂව භාණ්ඩාගාරයට වියදම් කළ හැකි ප්‍රමාණයේ අතිරේක ආදායමක් සොයාගත යුතු බවට ප්‍රවාහන අමාත්‍ය ආචාර්‍ය බන්දුල ගුණවර්ධන පවසනවා.
අමාත්‍යවරයා පෙන්වාදෙන්නේ; පවතින තත්ත්වය තුළ වැටුප් වැඩි කිරීම අසීරු බවත්, එය එසේ කරන්නේ නම්, ඊට සමගාමී ක්‍රම කිහිපයක් ඇති බවයි.
ඉන් එකක් නම්; රාජ්‍ය දේපොළ වත්කම් විකිණීම, නැතහොත් නව බදු පැනවීම හෝ පවතින බදු ඉහළ දැමීම බවයි අමාත්‍යවරයා පෙන්වාදෙන්නේ.
අද පෙරවරුවේ පැවති මාධ්‍ය හමුවකට එක්වෙමිනුයි අමාත්‍යවරයා මේ බව සඳහන් කළේ.
රාජ්‍ය සේවකයින්ගේ වැටුප් එළඹෙන අයවැයෙන් ඉහළ දැමීමට ඊයේ දිනයේ දී ජනාධිපතිවරයා විසින් කැබිනට් මණ්ඩලයට දැනුම්දෙනු ලැබූ බවට යන ප්‍රවෘත්තිය මතු කරමින් පැමිණ සිටි මාධ්‍යවේදීන් අමාත්‍යවරයාගෙන් ඒ පිළිබඳ ව විමසා සිටියා.
එම අවස්ථාවට පිළිතුරු ලබාදෙමිනුයි බන්දුල ගුණවර්ධන මේ බව සඳහන් කළේ.
ගොන් කතා කියො කොයො ඉන්නවා ආර්තිකෙ ගැන. තමුන්ට අයිති ප්‍රවහනෙට හෙන ගහලා. එක වයිමා බලාගන්නකන් ඉන්නවා වෙන්න ඇති. මිනිස්සුන්ට වැඩ ඇරිලා ගෙදර යන්න කොච්චියක් නැ. දුසිම් ගනන් කොච්චි කැන්සල් මෙයා බයිලා කියො කියො හානවා.