වසර 24කට පෙර සිදු කරන ලද ඝාතනයක් සම්බන්ධයෙන් චෝදනා එල්ල වූ පුද්ගලයන් දෙදෙනෙක් වරදකරුවන් කරමින්, ඔවුන්ට මරණය දඬුවම නියම කිරීමට කළුතර මහාධිකරණ විනිසුරු, තාමර ජයනාත් තෙන්නකෝන් මහතා අද (12) නියෝග කළා.
බුලත්සිංහල, යටගම්පිටිය ප්රදේශයේ පදිංචි ධම්මික ප්රියදර්ශණ සහ පතිරණගේ දොන් ප්රදීප් පුෂ්පකුමාර නමැති 53 හැවිරිදි සහ 46 හැවිරිදි පුද්ගලයන් දෙදෙනෙක්ට මෙලෙස මරණ දඩුවම නියම කෙරුණා.
2002 වසරේ මැයි මස 29 හෝ ඊට ආසන්න දිනකදී බුලත්සිංහල, යටගම්පිටිය ප්රදේශයේ දී පෞද්ගලික ආරවුලක් මත එක්දරු පියෙක් වූ පී.ඩී සරත් නමැත්තාගේ හිසට කඩුපොලු වලින් පහරදී ඝාතනය කිරීම සම්බන්ධයෙන් බුලත්සිංහල පොලිසිය විසින් අත්අඩංගුවට ගෙන තිබුණා.
එකී නඩුවේ ලඝු නොවන නඩු විභාගය මතුගම මහෙස්ත්රාත් අධිකරණයේ විභාග කිරීමෙන් පසු නීතිපතිවරයා විසින් මහාධිකරණය හමුවේ නඩු පවරා තිබුණා.
