සංවිධානාත්මක අපරාධකරුවෙක් වෙන කෙහෙල්බද්දර පද්මේ නැමැත්තාගේ ප්රධානතම ගෝලයා වන තිලිණ සම්පත් නොහොත් ‘වලස් කටා’ බස්නාහිර උතුර අපරාධ කොට්ඨාශයෙන් පළායාමට තැත්කිරීමේ දී අනතුරකට ලක්ව තිබෙනවා.
ඔහු මේ වන විට කොළඹ ජාතික රෝහලට ඇතුළත් කර එහි 72 වන වාට්ටුවේ පොලිස් ආරක්ෂාව යටතේ ප්රතිකාර ලබන බවයි පොලිස් මාධ්ය ප්රකාශක සහකාර පොලිස් අධිකාරී එෆ්.යු. වුට්ලර් සඳහන් කළේ.
ඊයේ (09) රාත්රියේ ඔහු බස්නාහිර උතුර අපරාධ කොට්ඨාශයේ ගොඩනැගිල්ලෙන් පැන මෙලෙස පළායෑමට උත්සාහ කර ඇති බවයි පොලිසිය සඳහන් කළේ.
‘වලස් කටා’ සීදුව ප්රදේශයේදී මෝටර් රථයකින් ගමන් කරමින් සිටිය දී පසුගිය දා අත්අඩංගුවට ගැනුණු අතර, එහිදී සිදුකළ පරීක්ෂා කිරීමේ දී මෝටර් රථයේ සඟවා තිබූ හෙරොයින් ග්රෑම් 550ක්ද පොලීසිය විසින් සොයා ගනු ලැබුවා.
අනතුරුව ඔහු දින 90ක කාලයක් රඳවාගෙන ප්රශ්න කිරීමට පොලිසිය අධිකරණයෙන් අවසර ලබා ගත්තා.
ගණේමුල්ල ප්රදේශයේ පදිංචිකරුවෙක් වන ‘වලස් කටා’ 36 හැවිරිදි වියේ පසුවනවා.
