වර්ෂාව හේතුවෙන් බාධා එල්ලවූ සිම්බාබ්වේ ශ්‍රී ලංකා තුන්වන එක්දින ක්‍රිකට් තරගය පස්වරු 5.15ට යළි ආරම්භ කිරීමට තරග තීරකවරුන් සැලසුම් කර තිබෙනවා.
තරගය තාවකාලිකව නතර කරන විට කාසියේ වාසිය දිනා පළමුවෙන් පන්දුවට පහරදෙමින් සිටි සිම්බාබ්වේ කණ්ඩායම පන්දුවාර 7යි පන්දු 4ක් අවසානයේ කිසිවෙකුත් නොදැවී ලකුණු 40ක් ලබා සිටියා.
තරගය යළි ආරම්භ කිරීමට තීරණය කර ඇත්තේ එක් කණ්ඩායමකට පන්දුවාර 43 බැගින් ලබා දෙමින්.
වර්ෂාව නතර වුව ද තණතිල්ලේ පවතින තෙතමනය හේතුවෙනුයි තරගය ආරම්භය ප්‍රමාද වී ඇත්තේ.
දෙරට අතර පැවති පළමු එක්දින තරගය වර්ෂාව හේතුවෙන් ජය පරාජයෙන් තොරව අත්හැර දැමුණා.
දෙවන තරගය ශ්‍රී ලංකාව ජය ගත්තේ කඩුලු දෙකකින්.
එබැවින් මෙම තුන්වන එක්දින තරගය තරගාවලියේ ජය තමන් සතු කර ගැනීමට ශ්‍රී ලංකාවට අතිශයින් වැදගත් වනවා.
ඔබේ ප්‍රතිචාරය කුමක්ද ?
+1
8
+1
1
+1
11
+1
2
+1
1
+1
3
+1
8
