ජාත්යන්තර එක්දින ක්රිකට් පිටියේ හොඳම පන්දු යවන්නා ලෙස පාකිස්තානයේ වේග පන්දු ක්රීඩක ශහීන් ෂා අෆ්රිඩි පත් ව තිබෙනවා.
ඊයේ (12) දින ජාත්යන්තර ක්රිකට් කවුන්සිලය විසින් යාවත්කාලීන කරන ලද නවතම ශ්රේණිගත කිරීම් අනුවයි අෆ්රිඩි හට මෙම ස්ථානය හිමිව ඇත්තේ.
ශහීන් ෂා අෆ්රිඩි ස්ථාන තුනකින් ඉදිරියට පැමිණෙමින් සිය ස්ථානය හිමිකරගෙන තිබෙනවා.
ඔස්ට්රෙලියාවට එරෙහිව පර්ත් හි දී මෙම මස පැවැත්වුණු එක්දින තරගාවලියේ දී අෆ්රිඩි විසින් දක්වනු ලැබූ දක්ෂතා හේතුවෙන් ඔහුට ප්රසාද ලකුණු 696ක් හිමිවීම නවතම ශ්රේණිගත කිරීම් හි මුදුනා වීමට හේතුවක් වී ඇති බවයි වාර්තා වන්නේ.
අෆ්රිඩි එක්දින තරග 56ක දී බිඳ දමා ඇති කඩුලු සංඛ්යාව 112ක්.
ඔහුගේ විශිෂ්ටතම පන්දු යැවීම වන්නේ ලකුණු 35කට කඩුලු 06ක් බිඳ දැමීමයි.
මෙම ලැයිස්තුවේ මුල් දසදෙනා අතර කිසිදු ශ්රී ලාංකික ක්රීඩකයෙකු දක්නට ලැබෙන්නේ නැහැ.
දෙවැනි ස්ථානය ඇෆ්ගනිස්තානයේ රෂීඩ් ඛාන්ටත් තුන්වැනි ස්ථානය දකුණු අප්රිකාවේ කේෂව් මහරාජ්ටත් හිමිව තිබෙනවා.
ශ්රී ලංකා පන්දු බලඇණියේ මහීෂ් තීක්ෂණ සහ වනිඳු හසරංගට පමණක් මෙම ලැයිස්තුවේ මුල් 20 දෙනා අතරින් ස්ථාන හිමිව ඇති අතර තීක්ෂණ 12 වැනි තැනටත් වනිඳු 18 වැනි තැනටත් පත් ව සිටිනවා.
