මෙවර පාපන්දු ලෝක කුසලානයේ කැපී පෙනෙන දක්ෂතා දැක්වූ ගෝල රකින්නෙක් වන කේප් වර්ඩ් කණ්ඩායමේ ගෝල රකින ක්‍රීඩක වොසින්හාගේ නමින් මුහුදු සත්ව විශේෂයක් නම් කිරීමට කටයුතු කර තිබෙනවා.
ස්පාඤ්ඤ පර්යේෂකයෙකු වන ජේසුස් ඕර්ටියා විසින් අලුතින් සොයා ගන්නා ලද සාගර මොලුස්කා විශේෂයකට මෙලෙස ‘වොසින්හා’ ලෙස නම් තබා ඇති බවයි වාර්තා වන්නේ.
ඕර්ටියා විසින් සොයා ගන්නා ලද මෙම නව විශේෂය, රතු පැහැති පෙනුමකින් යුත්, මිලිමීටර් 04ක් පමණ වන කුඩා මුහුදු ගොළුබෙල්ලෙකු වන අතර, ඔහුගේ මෙම පර්යේෂණය හෙළිකරන තෙක්ම විද්‍යා ලෝකයට එය නොදන්නා සත්වයෙකුව සිටියා.
ඕර්ටියාගේ පර්යේෂණයේ දී හවානා, කියුබාව සහ ග්වාඩලූප් දූපත අසල කැරිබියන් දූපතේ දී ද මෙම විශේෂය සොයාගෙන තිබෙනවා.
ඔවියෙඩෝ විශ්ව විද්‍යාලයේ සත්ව ජීව විද්‍යාව සහ සත්ව විද්‍යාව පිළිබඳ මහාචාර්යවරයෙකු වන ඕර්ටියා, අලුතින් සොයාගත් ජීවි විශේෂයක් පාපන්දු ක්‍රීඩකයෙකුගේ නමින් නම් කළ පළමු අවස්ථාව නොවෙයි.
මීට පෙර එනම් 2019 වසරේ දී, කුඩා සාගර මුහුදු ගොළුබෙල්ලන් විශේෂයක් සොයාගැනීමත් සමඟ එම ජීවි විශේෂය, රියල් මැඩ්රිඩ් සහ කොස්ටාරිකාවේ හිටපු ගෝල රකින්නා වන කීලර් නවාස්ගේ නමින් නම් කිරීමට ද කටයුතු කළා.
